Pou yon katryèm ane, asosyasyon kiltirèl Foudizè ap oganize Festival Kont anba Tonel. Se yon Festival ki òganize pou kenbe vivan kont la ki se yon tradisyon ki preske disparèt. Festival la ap fèt sou tèm : « Conte : lieu de reconstruction symbolique » an kreyol nou ka di ” Kont, yon espas rekonstriksyon senbolik”. Lap fèt soti samdi 23 mas la, pou fini 4 avril.
Nap gen plizyè kontè Ayisyen kou etranje ki pral vin tire kont pandan plis pase yon semèn. Nap jwen Chelson Ermoza(Ayisyen) nan ” ti Mari ak ti Jo”, Johny Zephirin ( Ayisyen) nan “Voyage au coeur du mapou”, Joujou Turenne (Kanadyèn Ki fèt an Ayiti) nan “Ami du vent”, Francoise Diep (Franzès) nan ” La queue du diable”; ap gen patisipation Raphael Anne-Rose (Fayo) ki se yon Gwadloupeyèn.
Festival la ap fèt plizyè kote, ap gen spektak nan FOKAL, nan Sant kiltirè ARAKA, nan Pastoral inivèsitè, nan otèl Le Marcelin, nan ENARTS ak nan lakou TNH ( Télévision National D’ Haïti).
Tout moun ki ta renmen patisipe nan yon spektak ka pase pran kat nan Fokal, li pap peye anyen pou sa.
Pou nou jwen tout rès pwogram nan, nou ka ale sou paj Facebook festival la.
Pou plis enfòmasyon toujou, nou ka al sou sit Foudizè a : www.foudizetheatre.com
Nou kapab rantre an kontak tou ak Billy Elucien nan :
37 21 94 54 ou byen Nélio Joseph nan : 50934 26 13 04
Soyez le premier à commenter