- (c) http://www.myspace.com/rockfamlamea/
Chak ane nou gen randevou pou Konpa Festival Nan Vil Miami. Ane sa, Festival la ki fèt nan mwa me pou honore Drapo nou, ap tonbe jou ki 18 mai a (fèt Drapo a). Festival la atire anpil moun, sa ki pèmèt li klase pami pi gwo festival ki fèt Nan Vil Miami. Se an koulè ble ak wouj ke moun yo renmen abiye pou yo al pran plezi yo nan gwo fèt sa.
Men Atis ak gwoup ki sipoze defile sou sèn nan: ” Djakout#1, JPerry, Emeline Michel, Gabel, Klass, Tropicana, Carimi, Zenglen, Nu Look, Kreyol La, Disip, Brothers Posse, Suav Mizik, Plis 5 Dj kise Dj Tony Mix, Dj 5 Etwal, Dj Stakz, Dj Untouchable, Dj Griot. Òganizatè yo, Rodney Noel ak Jean-Michel Cerenord depi kèk ane pran abitid envite lot atis ki jwe mizik ki pa Konpa.
Nou espere ke ap gen anpil spektak et ke chak atis pwal bay tout yo menm pou yo ofri yon bon imaj de kilti nou a nan lakou Miami. Nap swete tou ke Pwomotè yo ta kapab òganize yon Festival Konpa an Ayiti, sa ki pa fèt depi lanmò Joubert Charles.
Yves Osner Dorvil (Yod)
https://tipiti.biz
Twitter (@yodtipiti, @Tipitibiz)
Soyez le premier à commenter