Kolibri -Ti Corn

Ou te vin pwomennen nan jaden mwen

E m konnen nou te fèt pou renmen

Tout lòt flè yo t ap fè jalouzi

Lè se mwen ou chwazi

Tankou yon flè choublak kè m louvri

Kolibri, Kolibri di m kote ou te ye avan sa

Kolibri, Kolibri sa fè lontan m ap tann ou deja

Jou sa ou te pase ou te bo mwen

Sa fè lontan men m pa sa bliye

Ou te vole al jwenn yon lòt flè

E ou pa janm tounen

Tankou yon flè choublak kè m fennen

Kolibri, kolibri di m pouki ou fè m soufri konsa

Kolibri, Kolibri sa fè lontan m ap tann ou deja

Chak maten lawouze reveye mwen

E mete pi bèl wòb mwen genyen

Men lè solèy la fin kouche

Espwa mwen kase

Tankou yon flè choublak kè m tonbe

Kolibri, Kolibri di m kote ou te ye jodi a

Kolibri, Kolibri sa fè lontan m ap tann ou deja Kolibri (x2)