Kote moun yo – BélO

Kote moun yo wo, mwen pa wè moun yo Wo !

Mwen sonje lontan lèm gen vakans twa mwa
S’on plezi pou mwen desann kay grann « Tiya »
Pou’n al mange mango, al benyen nan gwodlo
Mwen sonje sa kò’m si sete jodia
Mwen menm ak tout ti zanmi sou katye a
Le’n nap fè jwèt lago, jwe foutbòl ak boyo
Men kounye a, bagay yo chanje
Mwen pa wè timoun jwe mab
Ni jwe oslè, yo pa sote kòd, moute kap
Nou mele…. Nou mele

Kote moun yo ? (Ooooo)
Mwen pa wè moun yo (Ooooo)
Kote moun ki kon jwe foutbòl avè’m
M’pa wè timoun ki te grandi avè’m
Kote moun yo ? (Ooooo)
Mwen pa wè moun yo (Ooooo)
Kote moun ki te enpòtan nan kè’m
M’pa wè timoun ki te grandi avè’m

Jan sa kon’n bèl, chak swa
Lè’n chita nan lakou a
Tout timoun nan pye granpa
Kap rakonte nou istwa
Jan sa kon’n bèl
Lè nou desann nan jaden al manje kachiman sou pye
Bwè kokoye ole nou fè laviwon dede
Men kounye a, bagay yo change
Timoun yo pito manje
Manje kachte, bagay ki sot aletranje
Nou mele…… nou mele

Kote moun yo ? (Ooooo)
Mwen pa wè moun yo (Ooooo)
Kote moun ki konn jwe foutbòl avè’m
M’pa wè moun ki konn al lekòl avè’m
Kote moun yo ? (Ooooo)
Mwen pa wè moun yo (Ooooo)
Kote moun ki te enpòtan nan kè’m
M’pa wè timoun ki te grandi avè’m

Bridge
M’chache, chache yo
M’chache, m’pa wè yo

Gen sa ki egzile
Gen sa ki depòte
Gen sa kal jwen Bondye
Jou yo pat ko rive
Gen sa, ki toujou la,
Ki gen lespwa, sa va chanje ya delivre
Tout bon vre… tout bon vre

Album Haiti Debout (BélO), 2011