Histoire cachée – Toxic

Chak moun gen on istwa kache

Dè fwa gen de kessyon k poze
Men repons yo pa janm rive
Pou kenbe yon stabilite
Gen detay k antere

Tout verite pa bon pou di
Wi sa tout moun dakò sou li
Pou evite we lòt soufri
N’antere l’ pou lavi

Paske kwè mwen gen verite
Ke tout moun pa ka sipòte
Gen sa ki mennen kè sere
Gen sa k met dife nan fwaye

Ou mèt gen tout bòn volonte
Pou aji an tout senserite
Sou ou tou règ sa aplike:
Chak moun gen yon histoire cachée

Gen moun mwen tande kap pale
Ki di se eksepsyon yo ye
Yo pa gen anyen pou kache
Tout bò nan vi yo devwale

Men lè ou gad pa anba
Hmm! m’ pap pale papa
Wi yo kache l’ dèyè yon dra
Pran pòz se lòt ki labèt nwa

San menm fe intèwogatwa
Ou ka tonbe sou on pakèt istwa
Dèfwa pou yon moun reyisi
Ka sezi wè mwayen l chwazi

Konbyen sèman damou k brize
Ak doub idantite k’kreye
Si m pran site m pap janm kanpe
Paske:
Chak moun gen yon istwa kache

Se pa tout bagay lòt la vle di
Men o non de lanmou ke ou gen pou li
Eske ou pare pou ou
Gade l nan je
Dil se du passé

Eksplike l oh
Kèlkeswa sa l ta ye
Lanmou ou pap janm chanje

Gade l nan je…

Gen sitiasyon k mande pou ou saj
Pou sa ou bezwen pasyans avèk kouraj

Gadel nan je…

Wi sa ka rive ti kèw ou sansib
Men gen de bagay ki irevèsib
Sa pou fè se just:

Gade l nan je , pou fè l konnen sa pap chanje…