TKSK: « CISELER »

Ti Konsèy Sou Kuizin avèk chèf Jéach

Lendi se jou jagon.

Mo teknik pou jodiya premye lendi ane 2022 ya se « CISELER » ! Lèw tande ekspresyon « ciseler » sa a ki sa ki vini tou swit nan imajinasyon ou ?

Sizle nan domèn kwizin yo amplwaye l’ pou di ke ou ap:

• Koupe zonyon yo oswa echalot an ti kib.
• Filange leti oswa lòzèy.
• Fè ti ensizyon nan sifas yon pwason oswa vyann pou li ka kuit pi fasil epi nan tout kò l’.

Teknik pou sizle
Pou sizle yon zonyon:
• koupe zonyon an 2 mwatye nan sans longè.
• Mete youn nan mwatye yo apla sou plan travay la epi kenbe l’ byen ak men ou.
• Sèvi ak yon kouto ki byen file, koupe mwatye a an bann nan sans longè, san ou pa koupe rive nan rasin lan.
• Apre sa, koupe mwatye zonyon sa a twa fwa nan sans lajè (an travè pou fè yon ekip ti bann). Lè ou ap koupe zonyon an toujou kenbe 1 cm san koupe sou bò rasin nan pou kenbe bann yo ansanm epi koupe zo yo pi fasil.
• Fè menm bagay la pou yon echalòt.

Pase yon bon lendi.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou