TKSK: Teknik foto kilinè : CLOSE-UP

Ti Konsèy Sou Kuizin avèk chèf Jéach

Depi madi rive tout fanatik fè foto manje ap pran plim ak kaye pou pran nòt. Jodi a n’ap trè teknik pandan m’ap eseye kan menm pa vole twò wo.

Nan zafè aprann fè foto manje nou fè pou nou ka kenbe tras jan nou tè fò yon lè 🙂 nou pwal fè yon lage sou kouman pou mete eleman prensipal foto a an valè. Youn nan teknik sa yo se « closeup »

8. Fòk eleman prensipal manje ou a se li ki pran plis plas nan foto a

Kòm nou te wè deja semen pase avèk longè fokal la, nan fotografi manje nou pral bezwen antre nan nannan pwodwi a. Se pou sa nou favorize yon lantiy ant 50 ak 100 milimèt ki de preferans « très lumineux », sa vle di, ak yon ouvèti nan dyafram ki pèmèt ou ale nan F3.5 oswa F2.8 si lajanw ta pèmèt ou achte yon lantiy ki ap rive 1. 8, 1.4 pa fè timid ou mèt pranl pase lap pèmèt ou nan kèk sitiyasyon evite flash …

Pou mou ki ta wè nwa nan sam sot di yo la jis sonje plis ouvètiw la gen yon ti chif plis li pèmèt sa wap fotografye ya (san ou pa chanje anyen) gen plis limyè sou li. Men teknoloji ki pèmèt yo fè yon lantiy ki ka pran ti chif yo fè ke plis li pi piti plis pri ya pi gwo

Tout bagay sa yo montre ou aklè ke li enpòtan pou ranpli photo a ak imaj prensipal la… Li pral pi fasil pou rakonte yon istwa, ak yon imaj ki klè (lumineux), ki gen yon eleman prensipal ki pa ap goumen ak lòt akseswa segondè yo. Tout natirèlman jew yon moun kap gade pwal direk sou eleman prensipal la epi apre pwal gade detay yo. Se yon bagay ki fèt otomatik, san reflechi lè foto a byen fèt. Setadi le li respekte règ sa yo.

Chak detay enpòtan epi si sijè photo manje ya kenbe distans li ak akseswa ki antoure li yo, yon fason ki mete enpòtans pati enpòtan an ou bon nèt. (Ou ka fè sa nan mete mwens limyè sou yo, oubyen nan floute sa ki pa prensipal yo. Men afè floute ya se pou yon lòt fwa)

Randevou kase pou semenn pwochenn pou lòt konsey sou kijan pou fè foto manje

Pase yon bon madi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto kouvèti: abacaCorporate