Ti Konsèy Sou Kuizin avèk chèf Jéach
Kesyon teknik mwen pote pou nou se « Cuisson sur coffre ou sur os » kouman sa fèt?.
Nan kwizin sa yo rele kòf bèt volay se pwatrin se kòf lestomak bèt volay la. « Cuisson sur coffre oubyen sur os » se yon estil kwit manje kote vyann lan pa te separe ak zo yo. Pa egzanp, yon poul antye boukannen oubyen kwit nan fou.
Kwit sou zo (oubyen kwit sou kòf) tou senpleman vle di ke w ap kwit yon moso vyann ki toujou tache ak zo li. Pa egzanp ankò, yon moso kòt bèf griye, oswa yon kòt mouton boukannen.
Nan de ka yo, sa ki enpòtan pou nou konnen se ke kwit manje ak zo a pote plis gou, oswa yon gou espesifik. Èske sa se verite? Éske se vyann lan ki sou pwatrin lan ki bay soup la gou li oswa zo pwatrin lan pou kont li? Kesyon an divize, men li pa janm vrèman rezoud, menm la syans pa arive reponn kesyon saa.
Randevou kase pou vandredi pwochen pou dòt teknik nan zafè fè manje.
Pa bliye jodi ya se tèt wiken, fè saw konnen pou sa pase bon jan an 😊
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
Les commentaires sont fermés.