TKSK: Fè atansyon ak tout detay yo pou evite Photoshop

Ti Konsèy Sou Kuizin avèk chèf Jéach

Depi madi rive tout fanatik fè foto manje ap pran plim ak kaye pou pran nòt. Jodi a n’ap trè teknik pandan m’ap eseye kan menm pa vole twò wo.

Nan zafè aprann fè foto manje (tankou nan fè nenpòt ki foto) prensip la senp. Plis ou pran sanw fè atansyon ak detay yo mwens wap beswen fè pòspwodiksyon Mwens wap bezwen fotochòp…

9 – Fè atansyon ak tout detay yo pou evite Photoshop

Li enpòtan lè wap fè foto manje pou fè atansyon sou tout ti detay yo. Fè atansyon sou ti kal pen, cheve oswa nenpòt ti eleman ke an jeneral moun pa fè atansyon pase eleman prinsipal yo kapte sèvo yo nan fonksyonman nòmal nou. Men yon foto anpli de moutre tout bagay ou ka gadel plizyè fwa oubyen pandan lontan. Yon defo ou pat wè nan koumansman li vin tankou yon tach zye paka dekole sou li apre yon ti tan ap gade foto a …
Netwoye (siw kapab) tout ti parazit endezirab, ti gout dlo, ti pousyè, ti mouch elatriye, nenpòt bagay ki pa gen rapò ou ki ka deranje istwa ou vle rakonte avek foto saa … Li vreman enpòtan pou fè travay klinòp sa yo anvan ou pran foto a. Sa va evite travay netwayaj ak pòsprodiksyon ki ka ase fatigan sou fotoschop nan pòs-pwodiksyon apre sa.

Di tèt ou ke li pi fasil pou netwaye imedyatman yon eleman ki pa nan plas li olye ke depanse yon dividal tan ak zouti « tampon » nan fotochòp.

Randevou kase pou semenn pwochenn pou lòt konsey sou kijan pou fè foto manje

Pase yon bon madi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou