Ti Konsèy Sou Kuizin avèk chèf Jéach
Kale yon ze byen bouyi oswa apèn bouyi nan mwens ke 10 segonn se posib. Se vre ke san teknik sa ka byen fatigan. Tout moun gen pwòp teknik yo, men isit la map prezante plizyè konsèy pou kale zew byen vit.
Mwen si ou konnen metòd ki di ke lèw fin kwit ze, ou mete yo anba dlo frèt anvanw kale yo. Men, malgre tou gen de lè kote kokiy la bay vle detache sèlman nan ti moso, ki kole anba zong yo, menm sa ki pi kout yo, san konte lè wap eseye dekale li, epi manbràn la ap vin jwenn ou ak yon gwo moso blan.
Pou evite eprèv sa yo, men kèk teknik fasil pou kale zew byen vit. (Avan tou li absoliman nesesè pou plonje ze yo nan dlo glase jis apre yo fin kwit, anvan ou sèvi ak nenpòt nan konsèy sa yo.)
An fè yon ti rapèl sou kantite tan pou kwit ze bouyi.
Dapre Leksik Culinary nan lekòl Ferrandi a (Hachette Pratique), li nesesè pou kwit yon ze nan kokiy li, nan dlo pandan 3 minit pou ze apèn bouyi, likid (Oeuf à la coque) pandan 6 minit pou ze bouyi mou (Oeuf Mollet), pandan 9-10 minit pou ze bouyi solid (Oeuf dur). Yon jan pou sonje tousa se sonje likid,mou,solid sa pran yon miltip twa (3-6-9).
Apre sa, ou dwe plonje ze yo nan dlo glase, paske sa a pral anpeche ze a kontinye kwit menm san li pa sou dife. Yon lòt sekrè pou rekonèt si ze ya bouyi oubyen si ze ya kri se vire yo kòm si se te yon toupi. Ze bouyi ya pral vire byen vit, tandis ke ze kri ya a pwal vire pi dousman avèk tandans poul frenen de tanzantan.
Premye metòd la: woule ze yo sou tab la
Sa a se teknik la. Ou pran ze a, ki te tranpe nan dlo glase ya. Frape ze ya yon ti kou sèk nan mitanl sou tab la, apre sa, ou woule li sou tab pandan wap pezel lèjèman. Otreman, ou pral jis gen yon ze pete an ti mòso pou netwaye…
Dezyem metòd la se : Ak yon kiyè
Se yon teknik ki mande délikatès. Apre ou kwit ak tranpe ze ou nan dlo glas, kraze baz la. Apre sa sèvi avèk yon ti kiyè pou separe ze a poul soti nan koki li. Tou depan de kalite ze a, ou ta ka menm wè kiyè ou a an transparans ant po ze ya e ze ya.
Twazyem metòd la se : Trick an vè ya
Yon metòd pratik lè ou gen plizyè ze pou kale. Yon fwa ze yo kwit ak tranpe nan dlo glase ya, mete yo nan yon vè wo. Ajoute yon ti dlo. Lè sa a, “sele” vè a ak men ou epi souke ak tout kouray ou. Mirak, ze yo kale pou kont yo. Men, si ou prefere evite wouze kwizin ou (oswa tèt ou), ou ka itilize yon bokal ak kouvèti (bokal konfiti, bokal sòs, bokal marinated, elatriye) oswa menm yon « shaker » pou bwason.
Randevou kase pou vandredi pwochen pou dòt teknik nan zafè fè manje.
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
Soyez le premier à commenter