TKSK: kisa pou nou fè pou netwaye fwa nou

Ti Konsèy Sou Kuizin avèk chèf Jéach

Jodi ya se samdi jou « kwuzin, famasi lakay »

Mwen pral fè yon ti rale sou kisa pou nou manje ak kisa pou nou fè pou netwaye fwa nou.

Men anvan mwen lage ban mwen di nou pa gen okenn siy avètisman trè espesifik nan move sante fwa. Sepandan, sèten sentòm tankou fatig, lafyèv, malèz oswa menm doulè nan vant sou bò dwat la, twoub dijestif, gwo vant (ki ranpli ak likid ki rele ascit), dekolorasyon jòn nan po a (yo rele lajònis) ka tankou limyè wouj ki di nou fè yon ti kanpe pou kontwole eta sante fwa nou. Toutfwa li enpòtan tou pou pa mal konprann orijin kèk nan sentòm sa yo; se menm jan an “kriz fwa a” pa reflete yon move fonksyonman nan fwa a, se ka senpman yon manifestasyon dijestif akòz yon rejim alimantè ki twò rich nan grès ak / oswa sik.

Kouman pou netwaye fwa

Ak lestomak ou vid (C’est à dire à Jeun), granm maten vale 1 gwo kiyè lwil doliv. Pou fè li pi fasil pou vale lwil doliv la, ajoute kèk gout ji sitwon nan kiyè a.

Map tou fèw konnen ke move manje pou fwa a se manje ki gen anpil grès, sòs gra, manje fri, patisri ak alkòl.

Bon manje pou fwa a se aticho ak pisanli ki gen pouvwa pou dezentoksike yon fwa ki irite. Men, si w ap chèche pou “legim mirak” pou fwa a, ale nan kawòt, kreson, tout salad (menm kwit), tomat ak oliv. Sèten fwi tou gen anpil benefis pou fwa, tankou fwi « Citrus » yo (citron, zoranj, chadèk…), rezen chèch ak pòm.

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou