TKSK: ESKE Plis ou mens plis li bon pou sante ou ?

Ti Konsèy Sou Kuizin avèk chèf Jéach

Jodi ya se dimanch , jou lejann oubyen verite.

Li pa ra pou tande moun ap di Plis ou mens plis li bon pou sante w eske bagay saa se la verite mezanmi ?

Si se yon verite ki pwouve ke lè pwaw ap ogmante depase limit plis ou riske devlope yon seri maladi tankou diyabèt, hipètansyon, maladi kè, sèten kansè … li enpòtan pou nou kostate ke se yon vi ekilibre ki bay la sante, se bon abitid alimantè ki evite maladi.

Menm si ou mens ou gen yon pwa nòmal sa pa vle di ou an sante ! Pito ou gen yon ti pwa anplis (sa yo rele yon bèl ti anfòm) epi ou trè aktif fizikman, ou mange bagay ki sen, ou pa fimen ke pou mèg, pa fè mouvman (lè ou gen yon vi sedantè), strese epi wap fimen Sa pi vit ka mennenw lopital ke kèk eksè grès ki plis pa estetik ke nwizib.

An konklizyon twò mèg menm jan ak twò gra tou de konn sign ke bagay yap gate nan menw. Se viv byen ki garanti la sante !

Pase yon bon dimanch.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou