TKSK: kiSa ou ka fè ak pen rasi?

Ti Konsèy Sou Kuizin avèk chèf Jéach

Lè ou gen pen rasi kisa ou fè avèl? Mwen konnen gen nan nou ki ap di soup. Men mwen konnen lòt moun ki ap di soup pen se pou moun malad. Men sa m’ pa vle tande, se «mwen jete yo!» paske manman m’ t’ap fache pou tande moun ap gaspiye pen pandan gen moun ki pa gen manje. Se pou sa jodi a mwen ap konseye nou sis bagay diferan nou ka fè ak pen rasi e ki pa soup.

1. Ou ka fè « chaplure »
   Poukisa pou achte chapli tou fèt lè ou ka fè li ou menm? Avèk rès pen ki rasi ya, ou ka fè « chaplure » pou fe pwason pane oswa pou anrichi fars tomat boure. Yon fwa pen an sèk, graje li pou jwenn “chaplure” nan dimansyon ou vle ya. Lè sa a, kenbe rès chaplure ke ou pa itilize ya nan yon bokal.
   
2. Ou ka fè « pain perdu »
   Yon resèt ki fin vye granmoun tankou mond lan ak sitou trè ékonomik epi engredyan prensipal la se pen rasi. Yon plat ke anpil moun renmen e ki pèmèt nou pa jete pen rasi ankò.

3. Ou ka fè yon pouding
   Avèk pen rasi, lèt, ze, sik an poud ak kèk engredyan pou bay gou… Ou ka kwit yon pouding nan yon ti tan! Yon fason orijinal pou goute pen difisil!

4. Ou ka fè krouton
   Kit se pou akonpaye soup zonyon oswa yon sòs salad, koupe pen rasi an an ti kib. Apre sa, pase ti moso yo nan chodyè a ak yon ti lwil doliv. Lè sa a, ou kite yo griye apèn. Mete yo nan plat ou vle. Se konsa ou pare krouton ki gen bon gou paw la. Efè kroustiyan garanti!

5. Ou ka fè tou yon fondu Savoyard
   Ki jan ou ka bay yon fondu Savoyard bwa lon kenbe? Enposib, koupe an ti moso epi fwote ak lay, pen ke ou fi n tranpe nan yon plat ki gen fwomaj fonn ladanl. Ou pwal gen yon siksè total! Pa bezwen kouri achte pen, ou deja gen tout sa ou bezwen nan menw!

6. Pou fini ou ka fè bruschetta
   Tout sa ou bezwen fè se koupe pen rasi ou an mwatye, longèl. Lè sa a, ou dwe fwote yo ak yon ti kras lay epi vide yon ti gout lwil oliv sou li. Lè sa a, ou mete tranch tomat, mozzarella koupe ak janbon kri sou tèt li. Ou mete tout bagay nan fou a pou kèk minit epi sèvi li cho ak yon sòs salad, pa egzanp.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: cuisineaz