TKSK: manje sa ou fotografye

Ti Konsèy Sou Kuizin avèk chèf Jéach

Nan seri aprann fè foto manje konsey jodi ya ka fèw pantan (pandan lap fè kèw kontan) apran n ke saa nan metye fè foto manje a tou.

11 – manje sa ou fotografye.

Finalman, bagay ou pa ta panse men ki enpòtan anpil, mwen ankouraje w manje fwi travay foto w. Li evidan ke wap manjel si li manjab, men se yon fason pou w byen fini demach atistik ou a nan manje saw sot fe foto. Vwayaj gastronomik ak fotografik ou fini nan vant (sa makonnen saw wè ak sa sans gou ap bawou nan yon premye tan, konsa li ap zatiyèt enspirasyon nan yon lòt moman).

Bò kote mwen, se yon satisfaksyon pèsonèl pou m kapab goute sa mwen sot pran nan yon foto menm si se yon fwa sou 10, pou pa di chak fwa, fòk mwen goute yon ti kras. Sa konn rive tou ke mwen oblije chofe manje ya paske ant lè nan fen preparasyon an ak nan fen fiziyad foto a preparasyon nou an malerezman te gen tan refwadi. Si se yon desè li defwa gen tan fonn kou yon krèm glase…

Pase yon bon madi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou