Ti Konsèy Sou Kuizin avèk chèf Jéach
Si w manje lay ak siwo myèl ajen pandan 7 jou, men sa kap pase nan kòw.
Lay se yon plant san parèy. An reyalite, li se, san diskisyon, pi bon antibyotik natirèl kew konnen. Lèw manje lay chak jou, ou jwi dividal benefis li yo.
Nan konsèy sa a, mwen ap prezantew bon kalite lay genyen pou ou: li se yon plant ekstraòdinè. Sa ki pi rèd lan se jan fasil fasil ou ka fè remèd lay ak siwo myèl.
Lay se pwobableman plant ki pi ekstraòdinè nan fanmi Allium la. Li se menm fanmi ak zonyon. Li grandi fasil nan anpil pati nan mond lan. Yo itilize lay anpil kòm yon engredyan nan kwit manje akòz gou li ki gou ak yon ti aspè pikant. Non sèlman li pote yon bon gou nan asyèt ou, men li se tou youn nan antibyotik ki pi pwisan. Li ka geri anpil maladi. Pwopriyete anti-bakteri, anti-enflamatwa, antifonjik, antioksidan ak antibyotik li yo se sak fè li si espesyal.
Kalite nitrisyonèl nan lay
Lay la gen yon nivo ekstrèmman wo nan vitamin ak mineral.
Men sa yo jwenn nan 100 g lay (ki se kantite ki rekòmande pou ta konsome chak jou) :
- 95% vitamin B-6
- 38% vitamin C
- 13% fè
- 18% kalsyòm
- 80% Manganèz
- 22% fosfò
Lay travay kòm yon medikaman pwisan ki gen yon dividal benefis pou santew. Anplis, gen anpil itilizasyon lay nan medikaman Chinwa yo. Lay pwouve syantifikman diminye kolestewòl ak tansyon wo. Konsomasyon chak jou nan lay tou diminye risk pou atak kè ak maladi kè kardyovaskulèr. Si ou gen grip oubyen refwadisman, yon enfeksyon chanpiyon, latiyouloulout (dyare), lay se definitivman remèd ou bezwen pou geri tèt ou.
Remèd lakay ak lay kri ak siwo myèl
- Kale de oswa twa dan lay.
- Koupe yo an ti moso.
- Melanje ak yon gwo kiyè siwo myèl.
Gade, lè w pran tretman sa a chak jou, w ap santi w pi enèjik ak an sante depi premye semèn nan.
Remèd natirèl sa a pral ankouraje sistèm iminitè ou vi n li pi fò, epi sa a, nan jis kèk jou.
Pi bon fason pou konsome lay se manje l kri. Poukisa manje lay kri? Paske allicin, prensipal engredyan aktif li ya, domaje lèw kwit lay la. Anvanw konsome li, koupe gous la epi kraze li. Kraze dan lay aktive yon reyaksyon ki fè allicin plis biodisponib. Konnen ke lay se menm pi efikas lè yo manje a jen (anvanw manje lematen). Pou siwo lay la ka dire plizyè jou, li pi bon pou prepare yon pi gwo kantite nan yon bokal an vè pou kenbe nan frijidè.
Bon mèkredi !
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
Les commentaires sont fermés.