TKSK: « Ki jan pou kuit pwa blan poul pa deranje w »!.

Ti Konsèy Sou Kuizin avèk chèf Jéach

Konsèy teknik mwen pote pou nou se « Ki jan pou kuit pwa blan poul pa deranjew »!. Mwen si sa rivew deja ke lèw fin manje pwa blan ou gen yon ekip ti gaz pa twò agreyab wap lage. Li pa oblije konsa se pou sa map baw yon teknik ki fè prèv li …

Teknik pou anpeche flatulans lè w kwit epi manje pwa blan.

Pwa blan trè bon pou sante ou! Sèlman yo ka lakòz ou bay yon dividal gaz ki ran n ou pa sosyab…Ki jan pou manje li regilyèman san yo pa pase tout rès jounen yan ap bay flatilans?

Erezman, gen yon solisyon efikas pou fè pou evite pwoblèm dijestif ak pwa blan. Trick la se ajoute yon ti vinèg blan nan dlo wap kwit pwa a.

Kisa ou ap bezwen

• Vinèg blan
• Pwa blan
• Istansil pou kwit li
• dlo

Ki janw fè sa?

1. Mete dlo a bouyi.
2. Ajoute yon ti vinèg blan.
3. Kwit pwa a nan dlo sa a.
4. Degoute li avanw moulen pwa.

Pa enkyete w, vinèg blan pa pral fè pwa gen move gou! Ou kapab tou ranplase vinèg blan an ak sitwon, men li ka kite yon ti gou asid nan asyèt ou yo. Lòt konsèy pou konnen vinèg blan efikas tou pou tout manje lou ke wap mete nan lestomak ou. Pou sa, mete vinèg blan nan tout sa ki ka endijès pandan wap diminye kantite bè oswa krèm frech. Li travay pou tout pwa, chou, pwa chich, pwason ki difisil pou dijere tankou sadin nan lwil oliv oswa pwason fri, men tou, ze fri, vyann wouj ak vyan n zwazo mawon.

Poukisa sa mache?

Pwa blan gen sik ki rele “oligosakarid” ki pwodui gaz lè ou valel. Vinèg blan an fonn yo, kidonk evite flatulans la pi bay pwa blan move repitasyon nan sans sa a!

Randevou kase pou vandredi pwochen pou dòt teknik nan zafè fè manje.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: lesoeufs.ca