TKSK: Remèd enkwayab pou sispann tout tous lapoula!

Ti Konsèy Sou Kuizin avèk chèf Jéach

Jodi ya se samdi jou « kuizin, famasi lakay », jou kote nap konstate ke bagay ki nan kwizin lan ka sèvi medikaman.

Wiken saa ap long ke se pa borisit ke se nan deplase moun sou moun pou al pwofite bèl wikenn saa anpil nan nou ap tounen ak yon grip, yon rim, yon ti tous oubyen yon lòt « adjipopo »… Men yon rèmèd mirak kap estope tout bagay saa yo.

Remèd enkwayab pou sispann tout tous lapoula !

Ou gen yon tous san lafyèv ki pap ale? Kit sèk oswa lwil, tous la vrèman dezagreyab… Li fatigew, gòj ou fè mal epi li anpeche w dòmi. Epi gòj la ap grate poutèt tous sèk la…
Ou, pa bezwen kouri nan famasi al achte medikaman pou sispann tous la! Non sèlman yo twò chè, men yo pa toujou efikas, epi yo gen efè segondè grav. Erezman, gen yon remèd lakay enkwayab ki ka fè tous ou sispann prèske imedyatman. Konsey sa se fè yon kataplasm vinèg epi aplike li sou edifis (pwatrin) ou.

Kisa ou bezwen

• vinèg (pòm si posib)
• dlo
• boutèy dlo cho
• sèvyèt pwòp
• veso

Ki jan pou fèl

1. Melanje egal egal vinèg la ak dlo nan yon veso.
2. Tranpe sèvyèt la nan melanj la (tranpe l byen)
3. tòde sèvyèt la pou etire twaka dlo a.
4. Mete sèvyèt la sou letomak ou (Pati ki rele edifis la).
5. Aplike yon boutèy dlo cho sou sèvyèt la.
6. Kite li pou 30 minit.

Gras ak remèd sa a, tous ou pral sispann prèske imedyatman. Fasil, vit ak efikas pa vre? Tout touse ki irite gòj la epi ki ap dire pou semèn, vole gagè! Koulye a, ou konnen ki jan pou sispann touse byen vit ak natirèlman. Si wal pran medikaman ak anpil efè segondè se chwa paw…

Konnen ke ou ka repete tretman an plizyè fwa pa jou ak plizyè jou nan nan semenn lan san okenn risk. Resèt natirèl sa a travay osi byen kont tous sèk la nan iritasyon kòm kont tous lwil la, sa ki kon kite las sou lestomak ou.

Poukisa sa mache? Vinèg pòm lan gen pwopriyete dezenfektan natirèl. Li se tou yon antiseptik pwisan. Li pèmèt tou, konbine avèk chalè, debarasew de bakteri. Ak menm larim ki ta ka chita nan bronchi yo.

Bon samdi

Jéach

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou