Ti Konsèy Sou Kuizin avèk chèf Jéach
Nan seri aprann fè foto manje konsey jodi ya ap met aksan sou pouvwa ak enpòtans yon foto, e nan ka pa nou a foto manje.
12 – Pouvwa ak enpòtans foto manje.
Manje se yon eksperyans ki enplike plizyè sans. Fotografi manje fèt pou, jis ak imaj la ak kapasite imajinasyon sèvo a genyen, dwe kapab chatouye tout sans yon moun ki ap gadel. Byenke foto a san son, san sant oswa san gou pou transmèt mesaj la, imaj la pou kont li dwe reveye tout sansasyon diferan mwayen sa yo ta pote…
Fè foto manje se tankou ou pran telespektatè ou a nan men epiw dil, “Gade sa a! Sa a se bagay mwen pi renmen nan plat sa a, men sa ki enspire m nan engredyan sa a, men sa ki eksite m plis nan pwosesis la nan preparasyon an.”
Yon bon foto fèt pou fè moun kap gade li santi yon bagay: sonje yon souvni, fè li souri, oswa nan ka espesifik nou an, fè l vle kouri sou recho a pou kwit manje oswa reveye dezi a irézistib devore plat ki nan foto a.
Yon bon foto rakonte yon bèl istwa epi li ta dwe enspire moun kap gadel. Li dwe atire ou, kaptire atansyon ou, absòbe ou, epi dirije rega ou nan ankadreman an. Yon bon foto toujou envite w aprann plis.
Yon bon foto fèt pou gen sipriz ladan l. Li pèmèt ou wè yon bagay sou yon ang ou pat janm imajine anvan. Ak yon engredyan majik ki bay yon dimansyon siplemantè nan imaj ou yo. Engredyan sa a dwe oumenm, pèsonalitew, ak fason ou gade bagay sa yo.
Pase yon bon madi
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
foto kouvèti: catherine-toiron
Soyez le premier à commenter