TKSK: Yon fason senp pou konsève salad pi lontan

Ti Konsèy Sou Kuizin avèk chèf Jéach

Jodiya nou pa pral fò: m’ap konseye nou yon jan senp pou konsève salad de fwa pi lontan. Mwen si ou pa twò kontan lè ou achte yon bon kantite salad epi ou ap jwenn sòs salad ou tout pouri nan pati anba frijidè a. Sa rive souvan lè ou bliye li nan frijidè a oubyen yo te konsève nan move kondisyon… Non sèlman li se gaspiyaj manje, men li tou se yon gaspiyaj lajan!

Men yon Trick senp ak efikas pou kenbe salad ou pi lontan san yo pa ni pouri ni fè mous. Sekrè ya se mete yo nan yon sache frizè ak yon fèy papye sèvyèt (essuie-tout).

Ki jan pou fè sa.

1. Lave leti a (ou kenpòt salad la).
2. Sechel li byen byen seche ak yon sèvyèt pwòp.
3. Vlope salad la nan yon gwo sèvyèt papye.
4. Mete l nan yon sak frizè (ziplòk).
5. Fèmen sak la byen sere.
6. Mete sak la nan tiwa legim frijidè a.

Rezilta
Ou pral kounye a kapab kenbe salad ou fre ak kroustiyan de fwa plis tan. Sa fasil, rapid ak efikas, pavre?
Anplis de sa, li ekonomik paske li evitew jete leti pouri epi achte yon lòt.

Men yon ti degi Ou kapab tou sere salad ou nan yon bwat plastik, si ou pa gen yon sak frizè. Pou fè sa, mete yon fèy papye sèvyèt nan pati anba bwat la. Mete leti (oubyen salad la) a sou li epi mete yon lòt fèy papye napki n sou tèt li. Fèmen bwat la ak anpil atansyon epi mete l nan tiwa a legim la. Trick sa a bon pou kenbe tout kalite salad vèt pi lontan! Li mache byen ak leti, frisée, batavia, leti romèn, elatriye. Epi li efikas tou pou zepina wòwòt. Salad ou oswa rès salad pral fasil dire plis pase yon semèn konsa.

Plis konsèy toujou

• Sonje chanje fèy papye sèvyèt la regilyèman pou anpeche mwazi fòme.
• Pou fè trick sa a pi efikas, ou ka koupe kèk fant nan bwat plastik la pou imidite a ka chape epi fèy yo rete fre.
• Konnen tou ke ou ka konplètman ranplase fèy papye yo ak yon sèvyèt pwòp. Jis vlope salad byen vlope anvan ou mete l nan sak frizè a.

Pouki sa mache?
Sèvyèt papye a (oswa twal la) absòbe imidite fèy leti yo kòm rezilta, mwazi pa ka fòme, epi fèy yo rete sèk, vèt ak fre.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou