TKSK: Kisa ki ka ranplase farin ble

Ti Konsèy Sou Kuizin avèk chèf Jéach

(Vandredi teknik) Konsèy teknik mwen pote pou nou se « Ki jan, epi ak kisa pou ranplase farin de ble »?. Swa pase ou pa genyen, swa pase li pa bon pou ou sa ka rive ou bezwen jwenn yon pwodwi pou ranplase farin de ble, jodi ya mwen pote 5 konsèy pou ou sou kesyon saa …

Ki jan yo ranplase farin ble fasil? 5 Konsèy pou Konnen.

Men 5 engredyan pou ranplase farin ble nan resèt ou pi renmen yo kit li dous oubyen li sale.

1. Farin pòmdetè
   Farin pòmdetè oswa farin mayi (“Maïzena”) se « pwodwi » pou absoliman gen nan Kwizinn ou. Anplis yo pa gen gluten, yo pa chè, mayizena fè li posib pou rann resèt yo pi lejè ak byen gonfle. Dòz la dwe po pou po: 100 g Farin mayi oubyen pòmdetè = 100 g farin ble.
2. Poud zanmann
   Kit se zanmann moulen, poud nwazèt oswa nenpòt ki nwa moulen, yo se bonjan ranplasan ak ti gou espesyal farin ble, espesyalman nan patisri ak desè. Non sèlman sa a pral pote plis gou ak rafineman nan resèt ou a, men rezilta a se tou yon desè ki mou anpil! Pou yon pi bon rezilta, ideyal la se melanje poud zanmann ou chwazi a ak menm kantite maizena. *Dòz la dwa: 50 g nan poud zanmann lan + 50 g nan mayizena a = 100 g nan farin ble.
3. Farinn Mayi (Polenta)
   Farin mayi se yon bon altènatif pou farin ble pou resèt sale ak yon bon gou san gluten. Li pa chanje anyen, li pote yon bon ti gout nan plat la epi li pa chè. Dòz la dwe: 100 g farin mayi = 100 g farin ble.
4. Avwan moulen
   Pandan ke flokon avwan yo se yo ki pi komen, ou ka pafwa jwenn tou flokon kinoa oswa flokon pitimi, espesyalman nan boutik òganik. Se bon ranplasan pou farin ble, ou jis bezwen byen melanje yo ak sa wap kwit la. Enkòpore yo nan preparasyon dous oswa salew la. Melanje yo ak mayizena, yo pral pote lejète ak molès, espesyalman nan gato lakay yo. Dòz la dwe: 50 g nan avwan moulen + 50 g nan farin mayi = 100 g nan farin ble.
5. Pire pòmdetè
   Nan resèt manje sale tankou an manje dous, pòmdetè se alye pafè pou fè reyalizasyon san farin ble. Le gen kòm benefis ke li trè ékonomi epi ou jwenn li nan tout magazen. Men ki jan pou fè farinn ak li : kale yo epi lave yo byen lave nan dlo frèt. Apre sa, kwit yo nan yon gwo volim dlo bouyi. Depi kouto ou ka rantre fasil nan pòmdetè ya, etire yo sou dife. Lè sa a, sèvi ak yon moulen pòmdetè oswa yon fouchèt pou kraze yo, pou fè yon pure. Yon pòmdetè ya fin refwadi, ou ka itilize pure sa a pou ranplase farin ble nan resèt ou a! Dòz la dwe: 100 g pòmdetè kraze = 100 g nan farin ble.

Epitou fòk ou konnen ke farin ekspire gen anpil itilizasyon, kidonk pa jete li! Koum gen tan ma fè yon ti rfale sou sa

Randevou kase pou vandredi pwochen pou dòt teknik nan zafè fè manje.

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou