TKSK: Sann bwa, kòm yon poud pou dan

Ti Konsèy Sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki nan kwizin lan ka sèvi medikaman. Jodi ya map prezante nou yon Altènatif natirèl pou pat dantifris. Si ou konn rete anba bouch granmoun, si ou konn al flannen nan pwovens mwen si ou wè deja oubyen ou tande ya di ou ka bwose danw ak poud chabon. *Mwen pwal demontrew ke koze saa se bon jan verite ki vreman pi bon pou danw ke dantifris wap achte nan makèt la ki boure ak pwodwi chimik : * Ou ka itilize sann bwa, kòm yon poud pou dan 100% natirèl, san sèl, san ajoute bikabonat !

Vreman vre, dantifris komèsyal yo gen engredyan sispèk, ki pa toujou efikas. Men resèt poud dan sa a, ka pran swen dan ou natirèlman. Pi rèd atò se moun ki chwazi tout engredyan ki ladanl yo!

Engredyan

• 3 gwo kiyè “poudre de sauge” (siw jwenn nan zòn ou). Poud sa a natirèlman blanchi dan.
• 6 gwo kiyè poud anis. Yon antiseptik 100% natirèl, anti-bakteri ak netwayan ki gen bon sant!
• 3 gwo kiyè poud koki ze. Koki ze a chaje ak kalsyòm ak 27 lòt mineral: li mineralize dan ou natirèlman.
• 3 gwo kiyè sann bwa mou. Li netwaye byen fon fant dan yo ak jansiv yo. Li boure ak kalsyòm ak mayezyòm, sann ka tou blanchi danw.

Ki jan pou preparel ?

1. Mete chak engredyan yo nan yon blendè pou ka jwenn yon poud byen fen.
2. Apre fòk ou pase poud la nan yon paswa byen fen pou pa rete ankenn ti grenn. Objektif la se kolekte sèlman patikil ki pi rafine nan poud lan.
3. Melanje tout engredyan yo, epi estoke poud dan ou a nan yon boutèy gout plastik ke ou ka peze.
4. Pou bwose dan ou, jis peze boutèy la pou w jwenn kantite poud dan ki nesesè ya.
5. Rense dan ou men jan ou ta fè pou yon dantifris nomal.

Ak dantifris fasil epi konplètman natirèl saa ou sèten ou pa gen okenn pwodui chimik nan bouch ou. Epi kòm ou wè, li se tou yon resèt ekonomik ki pèmèt ou fè yon gwo kantite dantifris pèsonèl.

Atansyon: itilize sèlman sann bwa mou (evite sèvi ak poud chabon gayak parkzanp). Vreman vre, bwa di yo gen twòp potasyòm, ki gen pwopriyete korozif sa ka riske domaje dan ou! Se poutèt sa, bay preferans sann bwa pen, bwa sèd elatriye…

Bon samdi