TKSK: Yon altènatif natirèl pou Listerine « bain de bouche

Ti Konsèy Sou Kuizin avèk chèf Jéach

Jodi ya mwen ap konseye yon altènatif natirèl pou Listerine « bain de bouche »? Si ou ta renmen evite plen bouch ou ak pwodui chimik men yon jan pou fè sa. Men yon resèt trè senp pou fè yon likid pou lave bouch 100% natirèl ki efikas epi antiseptik. Tout sa ou bezwen se yon ti jenjanm, mant ak kannèl pou fè rens bouch ou …

Engredyan

• 1 moso jenjanm (2-3 cm), kale epi koupe byen fen
• 1 zongle poud kannèl
• 10 g mant, koupe byen fen
• 250ml dlo

Ki jan pou fè sa

1. Nan yon chodyè, bouyi dlo a.
2. Ajoute jenjanm, poud kannèl ak mant lan nan chodyè a.
3. Diminye chalè a epi kitel mitonen pou apeprè 15 minit.
4. Avèk yon paswa oubyen yon sèvyè byen pwòp filtre likid la epi metel nan boutèy li.

Kouman pou sèvi ak li?
Pran swen pou byen souke melanj lan anvan chak itilizasyon. Apre chak bwose dan, sèvi ak rens bouch ou pou 1 minit epi krache.

Ou ka estoke boutèy renmèd sa nan frijidè a pou 10 jou.

Poukisa sa mache?

Rensbouch sa a efikas menm jan ak pwodwi komèsyal yo. Vreman vre, mant imedyatman rafrechi bouch la. Jenjanm ak kannèl gen pwopriyete netwayaj pwisan, ki pral kite bouch ou santi fre ak pwòp pou yon tan long.

Bon mèkredi ! Menm si li ta nan mekredi ya …

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou