TKSK: Kijan, pou anpeche moso pòm koupe vini tou nwa?

Ti Konsèy Sou Kuizin avèk chèf Jéach

(Vandredi teknik) Konsèy teknik mwen pote pou nou se « Ki jan, pou anpeche moso pòm koupe vini tou nwa? ».

Konsèy sa a pwal moutrew aklè kouman pou anpeche yon pòm koupe vin tou nwa sa ki pa twò agreyab !

Le pli vit yon pòm koupe an moso, le pli vit li vin tou nwa. Yo rele sa oksidasyon. Pou anpeche moso yo vini mawon, konsèy mwen se sèvi ak siwo myèl ak dlo pou kenbe pòm nan sèk ak bèl koulè.

Ki janw fè sa

1. Nan yon veso, vide yon vè dlo.
2. Ajoute de gwo kiyè siwo myèl.
3. Mete moso pòm koupe yo nan yon bòl.
4. Vide melanj lan sou tèt pou kouvri moso pòm yo.

An rezilta pa gen plis moso nan pòm ki vin nwa. Sa senp, pratik ak efikas! Epi li ekonomik, paske li evitew jete (oubyen grate) moso pòm ou pa manje a.

Randevou kase pou vandredi pwochen pou dòt teknik nan zafè fè manje.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou