TKSK: remèd pou soulaje gaz ak gonfleman

Ti Konsèy Sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki nan kwizin lan ka sèvi medikaman. eske sa rivew souvan pou ti krik ti krak ou gonfle, ou balonnen? ebyen jodi ya mwen vini ak yon remèd senp epi efikas pou ou, pran kayew pou note.

Gaz ak gonfleman: remèd pou soulaje trapde !.

Vant ou anfle? Ou santi ou gonfle? Se yon santiman dezagreyab epi ki souvan fè mal… Gen de fwa li menm jenan pou di saw genyen. Pase toujou gen yon ti annmèdan ki pou diw (Ou manje twòp ou gonfle) kòm si se ta yon bon pinisyon pou aloufa, alòs de fwa se pa menm vre …
Sa souvan rive lè ou manje twò vit oswa apre yon manje ki lou. Menw, pa bezwen pran medikaman pou sa! Erezman, gen yon remèd efikas pou elimine gonfleman byen vit. Secrè ya se bwè yon te jenjanm, ani, zonyon ak ti bonm (Oubyen Menthe).

Men engredyan pou te ya

• 1 ti kiyè jenjanm
• 1 ti kiyè aniz
• 1 ti kiyè zonyon ki koupe piti piti
• 1 ti kiyè Ti bonm

Ki jan pou fèl

1. Chofe 250ml dlo.
2. Ajoute kat engredyan yo ladan l.
3. Kite bouyi pou 15 minit.
4. Filtre yo.
5. Ajoute yon ti ji sitwon.
6. Bwèl glòt.

Gade, ak resèt sa a, gonfleman an ap disparèt byen vit. Pa gen vant gonfle ankò, gaz nan entesten ak doulè nan lestomak!

Kounye a ou dwe santi w pi byen ak pi lejè. Aksyon jenjanm, aniz, mant ak zonyon an bay konfò dijestif imedyat. Ou ka bwè anpil tas jan ou vle jiskaske sentòm yo disparèt. Men, pa kenbe perfusion ou a pou plis pase 12 èdtan pou li rete efikas.

Bon samdi

#Passion Gastronomie | Jéach 2022