TKSK: Eske jenjanm bay pèfòmans seksyèl?

Ti Konsèy Sou Kuizin avèk chèf Jéach

Jodi ya se dimanch , jou lejann oubyen verite.

Mwen si ou tande deja moun ki di ke se jenjanm se kle pou bay boustè nan zafè pèfòmans seksyèl eske bagay saa se verite tout bon vre ?

Jenjanm se yon rasin ki soti nan pwovens Lazi, li gen yon repitasyon solid toupatou kòm kwa seta yon plant afrodizyak. Plant sa a ki grandi sèlman nan twopik yo, yo itilizel kòm yon epis kwizin nan anpil peyi nan pwovens Lazi ak Lafrik, ak de pli zan pli nan Lwès la. Men, èske pouvwa li gen fòs kwayans popilè ya ba li?

Non Jenjanm lan sòti nan lang Sanskrit shringavera, ki vle di “ki gen fòm tankou kòn ki nan tèt yon sèf”. Jenjanm se yon plant perennial ki gen rizòm, oswa rasin, ke yo ap sèvi avèl pou plis pase 5,000 ane nan peyi Zend ak Lachin. Li te itilize la kòm yon plant manje ak tou pou pwopriyete medsin li yo.

Vreman vre, rasin sa a gen anpil pwopriyete ki bon pou sante. Benefis jenjanm yo anpil. Patikilyèman yo itilizel pou goumen kont kè plen (nausé), epis sa a ki gen yon gou pike tou lajman itilize kòm yon afrodizyak nan estimile apeti seksyèl kay gason kou fanm.

Kisa ki ta fè Jenjanm gen pwopriyete afrodizyak li yo
Konpoze ak lwil esansyèl ak dérivés sesquiterpene, jenjanm gen tou gingerol. Se jisteman sibstans sa a ki ba li bèl kalite afrodizyak li yo, epi egzèse yon aksyon enteresan ak revitalizan sou kò a. Vèti li yo ta jisteman vasodilatan epi yo ta fasilite san an koule. Sa ki bon anpil pou kè ya epi bay jèvrin.

Ajoute ginseng ak « salsepareille » pou plis pisans
Anplis, epis sa a dous ak pikant, li pral ogmante tanperati kò a, kidonk ankouraje relaksasyon ak tout eksitasyon … Efè li yo ta ka ranfòse si jenjanm lan konbine avèk jinsang oswa « salsepareille ».

Sepandan, pa gen okenn prèv syantifik ki vin sipòte kwayans sa yo. Men, konsomasyon jenjanm lan jan bon pou la sante epi pa gen okenn deranjman, li ta yon wont pou anpeche tèt ou pranl pase ou pa ta si lap djake bannan ou.

Remake byen, sepandan, ke jenjanm, konsome nan dòz depase, ka bay konplikasyon avèk sèten medikaman.

Pase yon bon dimanch.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou