TKSK: Aprann jwe ak limyè

Ti Konsèy Sou Kuizin avèk chèf Jéach

Nan seri aprann fè foto manje konsey jodi ya ap mete aksan sou enpòtans pou ka domine limyè ya pase se limyè ki ka fè manje ya parèt gou ak apetisan (gen lòt bagay wi men limyè ya pou bokou).

15 – Fòk ou maton nan jwe ak limyè ya !

Ki jan foto manje ou yo ap fè parèt plis apetisan ke posib? Limyè… Men paramèt ak ajisteman limyè ki pral pèmèt ou, ak kèk mwayen siplemantè, pran yon foto gastronomik orijinal.

1. Chwazi ekleraj natirèl
   Teknik ki pi efikas ak pi fasil pou aplike se pran foto nan lajounen. Se ak limyè solèy la ou gen plis chans pou repwodwi fidèlman tout richès koulè plat wap fè foto a.

Pran foto ou pandan lajounen nan yon chanm byen klere. Evite pran foto ou nan mitan lannwit anba lanp alojene, tengstèn oswa neyon: limyè sa yo pral bay imaj ou yon tent ki pa twò kodyòm epi foto manje ou yo ka yon ti jan fàd.

2. Evite limyè dirèk
   Limyè a ka “dous”, sa vle di difize, lè saa pa gen gwo lonbraj byen desinen, oswa limyè ka “du”, sa vle di byen contraste, ak lonbraj trè dans byen trase. Lè ou kòmanse nan fotografi manje, li pi bon pou chwazi yon limyè dous: li pi fasil pou metrize epi li apwopriye pou tout sitiyasyon.
   Si foto a te pran ak flash otomatik ak aparèy foto pwofesyonèl ou ak smartphone, li gen anpil chans pou limyè ya blanch tankou limyè solèy la, men akòz distans lan lap baw yon limyè dur. Li klere premye plan an, ki vin pi blanch pase background lan. Lè saa foto a ka sirekspoze (yo di li boule). Se pou tèt tank ou ka evite fè foto manje ak flash evitel.

Pase yon bon madi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : audacieuse-galerie.ch