TKSK: Kijan, mwen ka sèvi ak ze tankou yon fwomaj?

Ti Konsèy Sou Kuizin avèk chèf Jéach

(Vandredi teknik) Konsèy teknik mwen pote pou nou se « Kijan, mwen ka sèvi ak ze tankou yon fwomaj? ».

Pou fè sa ou dwe seche jòn ze epi apre ou ka graje yo sou salad, nan soup oswa lè wap fè pat, menm jan ou tap fè ak fwomaj parmesan!

Senpleman kouvri jòn ze ya ak yon melanj sèl ak sik epi kite yo repoze pou kèk jou nan frijidè, anvanw glise yo nan fou pou chofe fou pou ka seche yo. Rezilta a se yon jòn ze di ki lèw grajel tankou parmesan oubyen tèt demòr ou ka ajoutel pou bay yon ti gou sale nan asyèt ke ou pi renmen yo.

Randevou kase pou vandredi pwochen pou dòt teknik nan zafè fè manje.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou