TKSK: Wè pi lwen pase sa je wè

Ti Konsèy Sou Kuizin avèk chèf Jéach

Nan seri aprann fè foto manje konsey jodi ya ap mete aksan sou enpòtans pou ka fè atansyon ak detay yo lèw ap pran foto manje.

16 – Fòk ou bay detay yo enpòtans… !

Wè pi lwen pase sa je wè

San yon kapasite vizyèl byen file, foto ekstraòdinè a pa ka fèt! (si li fèt se daza) Li souvan rive ke yon moun pa konnen nan premye kout je ya ki jan foto yon gato, yon pla, yon panye fwi ka parèt espesyal pou yon kliyan… Epi yon ti detay, yon akseswa oswa yon eleman nan dekorasyon an bay enspirasyon an.

Lè sa a, li sifi ou mete ansanm lan tou pre fenèt la pou li klere nan limyè a, epi maji ya fèt, kote nou te wè yon foto ordinèr san orijinalite. Trè souvan li pral nesesè pou « backlight » sèn lan pou adousi lonbraj yo epi bay yon atmosfè diferan. Mete yon atansyon espesyal sou tèksti, koulè, fòm ak dousè limyè a. Avèk yon ti eksperyans, ou ap konnen anvan ou menm tire potre ya ke wap pran foto ekstraòdinè.

Nou souvan tèlman obsede ak rezilta final la ke nou paf è ase atansyon sou moman enkwayab ki rive anvan nou fè foto a. Alòs ke nou ta dwe fè vrèman atansyon nan chak etap nan prosesis la, paske yon ti detay ensignifyan ka byen mennen nou nan foto inatandi ya.

Tout bagay la nan detay yo

Trè souvan lè mwen kòmanse yon sesyon fotografi manje mwen pa konnen sa mwen pral pran kòm foto, delòt fwa mwen vini ak yon plan trè espesifik ke mwen pa respekte anpil. Lòt fwa mwen egzekite a lalèt sa yo mandem. Men mwen dwe admèt li trè raman rive nan dènye ka sa a ke mwen bay nesans a yon mèvèy…

Se lè nou mete eleman yo youn akote lòt oswa youn anfas lòt ke nou dekouvri chimen ki pral fè li posib fè yon konpozisyon ekselan oswa fè yon foto enteresan. Lè wap chèche detay ki pral ede w, bliye sètitid ou yo pouw konsantre sou anviwònman imedya travay la pou pran foto a. Ou pral fè dekouvèt ou pa panse pa sèlman nan plat la an jeneral oswa sèn la, men tou nan detay yo. Lè mwen foto mwen toujou gen refren sa a nan tèt mwen fòk mwen gade nan detay yo… fòk mwen gade nan detay yo…

Pase yon bon madi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : franceinfotv