TKSK: Kouman pou reysi yon «Steak» byen pwès?

Ti Konsèy Sou Kuizin avèk chèf Jéach

(Vandredi teknik) Konsèy teknik mwen pote pou nou se « Kouman pou reysi yon Steak byen pwès ».
Mwen konnen gen plizyè nan nou ki maton deja nan zafè Steak la, men jodi ya mwen vini ak teknik chef Bobby Flay pou nou sou kouman pou reyisi yonSteak Porterhouse. Avèk yon tranch pwès konsa, ou bezwen byen sizonnen vyan ou; lè Flay ap fèl, sifas vyann lan tou blanch ak sèl.

Men engredyan wap bezwen pou 4 pòsyon (kidonk 4 moun)
• 1 Estek Porterhouse 2”epesè, (Anviwon 2 liv vyann).
• 1 gwo kiyè lwil vegetal
• Sèl ak pwav nwa ki fèk moulen
• 1 gwo kiyè bè san sèl, tanperati nòmal

Kijan pou prepare li
Etap 1
Kite steak la poze nan tanperati nòmal pou 30 minit anvan ou kwit li. Sa pwal ede l kwit byen vit ak men jan nan tout kòl.

Etap 2
Chofe griy ou. Chofe yon gwo pwelon, si li te ka an fwon li tap pi bon, sou chalè ti kras plis ke medyòm. Lè sa a, chofe lwil lan nan chodyè jiskaske li koumanse fè lafimen. Sezonnen stèk ou byen sizonnen ak sèl ak pwav epi kwit jiskaske yon kwout dore fòme sou anba (pa virel), apeprè 4 minit. Transfere stèk ou sou yon planch a dekoupe, vire li bò dore ya anlè.

Etap 3
Koupe vyann ki soti nan zo a an 2 moso (antrekòt la ak filet mignon an). Tranche tou de moso tou dwat desann pèpandikilè ak zo a 1 pouce epesè. Ranplase steak tranche alantou zo a (li ta dwe sanble ak yon tranch tranch antye) epi remetel nan pwelon an, bò dore ya anlè. Benyenl ak bè epi griyel jiskaske bè a fonn ak stèk la jouk li rive mi-segnan, 4-6 minit. Sèvi stèk ak tout jil sou li.

Randevou kase pou vandredi pwochen pou dòt teknik nan zafè fè manje.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou