TKSK: Bikabonat kont ensifizans renal

Ti Konsèy Sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki nan kwizin lan ka sèvi medikaman. Konsey jodi ya se Kijan pou kwape ensifizans renal ak bikabonat?

Li twoublan jan nou abòde pwoblèm sante nou yo. Lè nou malad nou panike, nou bliye ke granmoun nou yo te konn fè remèd pou nou san depanse anpil lajan nan pwoblèm ke nou te ka rezoud ak yon ti kras lajan oswa san lajan menm. Se pou rezon saa mwen deside nan samdi ki ap vini la yo moutre n kouman manmanm ak grann mwen te konn trete plis pase 35 maladi ak remèd fèy.

2.5 ENSIFIZANS RENAL

Plizyè etid demontre ke bikabonat desoud ede ralanti devlopman Ensifizans Renal sa vle di lè renw pa fè travay li. Men ki jan poud blan sa a ap soulaje maladi ya natirèlman. Pou sa, li nesesè pou pran yon dòz bikabonat sodyòm chak jou.

Ki jan fè pou fè sa ?

1. Plen yon gwo vè ak dlo.
2. Mete 2 g bikabonat desoud ladan l.
3. Melanje ak yon kiyè.
4. Bwè remèd ou.
5. Repete tretman an yon fwa pa jou.

Epi kounyeya, gras a bikabonat la, ou soulaje ensifizans ren ou. Li se yon fason senp ak natirèl pou limite devlopman maladi sa a. Men, mwen vrèman ensiste sou yon pwen. Tretman natirèl sa a dwe fèt an paralèl ak yon tretman klasik regilye. Remake byen ke dòz sa a mwen bawou la li pwal varye, sa ap depann sou gravite ensifizans sou renw (modere, egi, elatriye). Sa vle di ke dòz la dwe adapte selon ka patikilye ou. Se poutèt sa ou ta dwe kontakte doktè ou pou li kapab konseye w sou yon tretman ki adapte ak ka w la.

Poukisa remèd saa ap mache pou ou?
Paske konsomasyon regilye bikabonat la fè sanw mwens asid. Epi li ede ralanti pwogresyon maladi ren yo. Ensifizans ren, ki sa li ye? Lè ren yo gen difikilte pou filtre san an, lè sa a yo rele sa ensifizans ren. Degradasyon fonksyon ren sa a souvan irevokabl, nan majorite ka yo. Rezilta fatra ak toksin yo pa evakye ankò epi akimile nan sanw. Ki trè toksik! Konsomasyon regilye bikabonat ede limite asidite nan san an.

Avètisman Anvan w pran remèd sa a, konsilte doktè ou epi diskite sou li avèk li. Sonje ke gen yon kantite lòt ti konplikasyon medikal ki pa danse kole ak bikabonat desoud. Doktè w la ka enfòme w sou ka sa yo ak efè negatif bikabonat la ka genyen sou kò paw si ou gen lòt maladi sa yo. Paske move itilizasyon bikabonat desoud ka yon danje pou sante.

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : bioalaune.com