TKSK: KOUMAN POU RETE NATIREL

Ti Konsèy Sou Kuizin avèk chèf Jéach

Nan seri aprann fè foto manje jodi ya mwen fè yon ti rale sou « KOUMAN POU RETE NATIREL » de ou twa teknik ak konsèy pou foto manjew parèt natirèl.

26 – Kouman pou foto manje w parèt natirèl ?

Rete natirèl

Yon « nature morte » ka ak anpil atansyon ranje san li pa parèt atifisyèl. Konsey jodi yo se pou edew kreye imaj ki fè je plezi san li pa twò sanble pwodwi ki ekspoze sou etajè magazen.Teknik sa yo pral ede w bay yon lè natirèl nan foto manje ou, ki pral tou fè yo pi enteresan.

Bay jòf – (Pa montre tout bagay)

Pou bay yon touch natirèl, fè ke imaj ou a se yon pati nan yon antye pi gwo. Tout sa ou dwe fè se koupe bor yo nan sèn lan. Natirèlman, mete tout bagay enpòtan nan mitan foto an pral bay bon rezilta pou kèk foto, men si ou koupe sèten eleman, ou kite plas pou imajinasyon an travay. Sèvo nou toujou idantifye, ak fini sa ki pa an antye sou foto a, li ede bay ilizyon ke imaj la te pran nan yon sitiyasyon reyèl. (yon bagay yo pa ranje pou fè foto a)

Jwe sou plizyè plan

Eseye deplase eleman yo nan sèn nan depi sa ki pi pre rive sou sa ki pi lwen yo, epi pa ezite mete sèten objè an kontak ak lòt bagay. Distans diferan sa yo ant manje ak akseswa yo pral pote plis natirèl nan ansanm lan …

Mete kèk eleman youn sou lòt

Voye je sou sa ki vironnenw, objè yo diferan epi yo dispoze sou diferan nivo, e kèk fwa yo youn sou lòk (manman m ta di yo pèkmèl). Se poutèt sa sèvo nou abitye ak kalite dispozisyon sa yo ki fè pati lavi chak jou nou. Vreman vre, tout bagay ki twò pwòp, byen ranje a egal distans manke nan natirèl yo. Je a konnen ki jan yo endividyalize objè ki sipèpoze, menm si youn nan yo kache pa yon lòt epi/oswa twoub.

Regroupe

Mete eleman nan youn, oswa plizyè gwoup separe se yon fason fasil pou bay yon konpozisyon yon santiman natirèl. Mwen souvan gwoupe bagay yo pa twa nan fòm lan nan yon triyang iregilye. Li enpòtan pou chak gwoup se yon bon melanj de gwosè, fòm ak estil…
Pase yon bon madi

Pase yon bon madi

Jéach 2022

Foto kouvèti: laphotoculinaire.com