TKSK: «ki jan pou kale lay fasil fasil?»

Ti Konsèy Sou Kuizin avèk chèf Jéach

(Vandredi teknik) Lay se yon alye enkontounab nan fè manje, nan konbat tansyon … Men li santi fò e lèw manyenl odèl gen pou rete nan men nou. Se pou tèt sa (menm si li mwen bon) gen kèk moun ki prefere sèvi ak lay pile. Konsèy teknik mwen pote pou nou jodi ya se « ki jan pou kale lay fasil fasil?».

Ki jan yo kale yon lay nan mwens pase 10 segonn
Lay se yon poto mitan nan kwizin lan. Men, dekale se yon korve pou kole po a ak dwèt ou, li pran tan, ou sèlman fè yon gous nan yon moman… Gras a 3 trik sa yo, non sèlman ou pral kapab kale li trè vit, men fasil. Epi wi, ou ka menm fè li ak plizyè gous an menm tan.

Teknik làm kouto a
Sa a se teknik ki plis fanatik ki byen konnen li: nou pran gous lay; ou mete pati plat la sou yon tab; ou ajiste lam yon gwo kouto sou li; epi ou frape yon kou sèk. Lè sa a, po a ale kite gous la san ankenn mizè.

Gen kèk moun ki arive fè sa san yo pa sèvi ak yon kouto. Yo pito sèvi ak yon espatil an bwa oubyen men yo (apla oubyen fèmen) Wa chwazi modèl ou pi renmen yan!

Teknik shaker (oswa bokal konfiti)
Pou reyalize teknik sa a, ou ka itilize yon bokal konfiti (vid, evidamman) Oswa yon shaker bwason. Mete kèk dan lay la danl, apresa souke fò – dire a varye selon kantite ak gwosè dan yo. Sispann lè dan yo ak po yo dekole.

Si ou vle fè yon gwo kantite, ou ka itilize tou yon veso plastik ki byen fèmen, yon chodyè pou fri ak kouvèti li byen fèmen, oswa yon bòl salad ki kouvri ak yon kabare.

Teknik benyen lay la nan dlo frèt
Pou kale gous yo pi fasil, tranpe yo nan dlo trè frèt epi bliye yo pou senk minit. Po a pral adousi epi vin ka kale pi fasil.

Randevou kase pou vandredi pwochen pou dòt teknik nan zafè fè manje.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: astucesgrandmere.net