TKSK: Salad nan restoran pi bon pou sante?

Ti Konsèy Sou Kuizin avèk chèf Jéach

Jodi ya se dimanch jou lejann oubyen verite. Kesyon nou gen pou ou jodi ya se Eske se vre lè ou ale nan restoran ou kòmande yon salad sèlman li pi bon pou sante w ? Eske se foulay ou byen verite sou tanbou ?

Salad nan restoran bon pou sante?

Salad lakay ki fèt ak fwi ak legim yo depaman ak sa yo ofriw nan restoran. Sa ou fè ou menm lakay la, ke ou chwazi ki sa wap mete ladanl lan nètman pi bon pou santew pase sa ki soti nan restoran.
Nan restoran non sèlman nou pa konnen sous pwodwi ki nan Salad yo men pou ba yo gou, yo chaje ak yon sòs blanch ki boure ak fwomaj epi lòt ti sesisela ki pa bon pou lasante. Ou pa menm sèten si fwi yo oswa legim yo netwaye ou pa. Mwen pa di fòk nou pa manje salad nan restoran non, men zafe ke se sa ki bon pou lasante ya, se foulay, fòk nou trè ekzijan si se sa nou deside chwazi konsome.

Pase yon bon dimanch.