TKSK: kouman nou ka fè yon gato zaboka?

Ti Konsèy Sou Kuizin avèk chèf Jéach

Ou renmen avoka menm jan avèm? Pwoblèm lan se ke li pa toujou fasil pou gen bon zaboka epi ki byen mi. Erezman, gen anpil konsèy mwen bay deja sou jan ou ka fè zaboka mi. Kòm fwi sa trè bon pou sante ou, li ta raz anpil pou ta prive tèt ak tout bon bagay ou ka fè avèk yon zaboka! … Jodi ya mwen vi n montre n kouman nou ka fè yon gato zaboka kote se bè ya nan yon gato obè ke nou boukante ak zaboka.

Kouman ou ka fè gato zaboka!

Sèvi ak zaboka kòm yon ranplasan bè. Ou renmen patisri, men ou ta renmen evite manje bè tout tan? ebyen ranplase bè oswa lwil ak zaboka. Wi, sa parèt ou etonan jan mwen lagel lan ? men wi ou ka fè yon gwo gato chokola san pwodwi letye plen grès.

Men kijan pou fè sa:

• 300 g chokola nwa (koupe oswa nan kraze)
• 2 gwo kiyè lwil kokoye
• 2 oswa 4 mwatye zaboka ke ou kale epi etire grenn lan
• 100 ml siwo myèl
• 1 ti kiyè ekstrè vaniy
• 3 ze nan tanperati nòmal
• 60g poud kakawo san sik
• 50 g farin kokoye oswa mayizena

Chofe fou ou a 200 ° C. Fonn chokola a ak lwil kokoye nan yon bain-mari epi ajoute zaboka kraze ya. Brase dousman. Ajoute siwo myèl la ak ekstrè vaniy, ajoute, ze yo youn pa youn, melanje byen melanje anvan ou ajoute pwochen ze an. Finalman, ajoute farin lan ak poud kakawo, brase dousman.

Vide pàt ou fè ya nan yon moul, gaye li byen nan kwen yo pou li se menm wotè toupatou. Kwit pou apeprè 12 a 15 minit jiskaske tèt la fèm. Kitel refwadi byen anvanw demoulel. Pou premye eseye ou, si ou pa sèten ou ap renmen gou a, fè mwatye mwatye bè-zaboka.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: poussepoussecuisine.blogspot.com