TKSK: Kijan pou ou konsève jòn ze.

Ti Konsèy Sou Kuizin avèk chèf Jéach

Mwen si sa rivew deja. Ou gen yon resèt wap fè kote yo diw sèvi ak blan ze. Men lè saa ki saw fè ak jòn nan? Si se 2 ze mwen konprann ke ou fri li, tout moun kontan. Men si se plis pase yon douzèn ? Petèt li ta bon pou aprann kouman yo konsève jòn ze pavre ?

Konsèy po estoke jòn ze

Ou gen rès jòn ze epi ou pa konnen kisa pou w fè ak yo? Sa rive lè blan yo te itilize pou fè ze nèj. Koulye a, ou rete ak jòn ze yo. Men, pa jete yo! Olye pou ou jete yo, ou ka konsève yo pou itilize pita.

Gen yon jan senp epi efikas pou konsèvasyon yo. Pou estoke jòn ze, tou senpleman kouvri yo ak dlo nan yon veso. Byen kouvri jòn ze yo ak dlo pou pi byen konsève yo

Ki janw fè sa?

1. Mete jòn ze yo nan yon veso ki an sekirite nan frijidè ya.
2. Kouvri yo ak dlo. Ranpli veso a pou jòn ou yo ap neye nan dlo.
3. Kenbe yo konsa nan frijidè ou.

Konbyen tan yo ka rete konsa?

Ou ka kenbe yo konsa pandan plizyè jou lè w kite yo nan frijidè a. Pou itilize yo, tou senpleman vide dlo a dousman epi kolekte jòn ze yo. Pratik, senp ak ekonomik! Avèk jòn ze ou yo, ou pral kapab dore gato ou oswa fè yon omlèt ki gen bon gou (oswa tortilla Panyòl). Ou kapab tou fè mask pou figiw tou.

Men degi
Si ou vle kenbe yo menm pi lontan, li posib pou jele ze yo kouvri ak dlo nan veso a nan frizè.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: chefsimon.com