TKSK: Sèvi ak myèl kòm medikaman

Ti konsèy sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki laa nan kwizin lan ka sèvi medikaman. Jodi ya nou pwal fè yon ti rale sou ki jan myèl ke nou renemen pran konsa a oubyen mete nan sa nap bwè pou sikre l la. Kouman myèl ka sèvi kòm medikaman…

15 TRETE BOULE AK MYÈL
Lasyans rekònèt siwo myèl pou ka pasite gerizon li ak pwopriyete antiseptik li. Li genyen ladan li anzim ki pral ede goumen kont enflamasyon epi konsa diminye tan gerizon boule ya ta pran nomalteman.

Men yon jan nou ka sèvi ak myèl la kòm medikaman pou boule
• melanje 1 ti kiyè siwo myèl
• 2 ti kiyè vinèg sidr
• 200-250ml dlo,
apresa aplike li dirèkteman sou po a. Aplikasyon an nan remèd natirèl sa a kont boule ka repete twa fwa pa jou. Atansyon, remèd sa a pa ta dwe itilize nan ka ou ta gen alèji ak pwodwi myèl.

Avan mwen mete van nan vwal mwen pèmèt mwen di ke siwo myèl se yon trè bon remèd natirèl pou anpil maladi tankou Anjin, bwonchit, brûlures, konjonktivit… Sepandan, aksyon li yo diferan selon konpozisyon ak kalite li. Epi li mande kèk prekosyon lè wap sèvi ak myèl (men sa se pou yon lòt jou)

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : astucesdegrandmere