TKSK: Kijan Pou Sezi Vyann Byen

Ti Konsèy Sou Kuizin avèk chèf Jéach

Jodi ya map fè yon ti rale sou pouki ak kouman pou sezi vyann ou lèw ap kwit li oubyen senpman preparel pou lòt kalite kwison.

Kijan Pou Sezi Vyann Byen

Sezi vyann se 100% pou bali gou. Lè vyann sa a frape yon chodyè cho, sifas la imedyatman kòmanse karamèlize. Nan bouyon ou oswa fri, oswa boukannen, sa a bay yon kalite espesyal, sa pèmèt ou fè bon plat ak yon gou ki nan yon nivo siperyè. Sa a se gou ki fè nou vle niche asyèt nou yo pwòp. Men ki jan yo fè sa.

Sezi vyann ta ka sanble yon etap ki pa nesesè epi ki pran tan nan yon resèt. Apre tou, ou pa vreman kwit vyann lan nan aksyon saa – anjeneral se yon operasyon ou fè nan fou a pandan ragouw an ap pran elan. Zafè pou ju vyann lan rete andedan epi fè vyann lan rete mou a se yon mit lè ou sezi vyann lan se pa pousa, an reyalite se jis pou bay vyann lan you gou sublim ki fèw fèl.

Konman aksyon karamelizasyon ka afekte gou manjew? Anpil. Se de bagay diferan siw pran yon gwo piyès estek ou lagel sou yon dife ka degaje tou gou diferan sale nwazèt karamelize ki ap jwe piano ak lang ou avèk yon stek gri ki kwit nan ti dife ki mou men ki san gou se de diferans saa nap pale nan yon soup oubyen nan yon vyan sote…

Se vre sa mande plis efò pou sezi vyann nou anvan. Men rezilta nan gou a jistifye efò anplis saa. Pandan se tan, men kèk konsèy enpòtan pou w sonje:

Asire w ke chodyè w cho
Ou bezwen chodyèw byen cho pou vyann ou vrèman karamelize ak bèl koulè sou do vyann lan. Sèvi ak veso an linoks pou jwen kalite kwit manje saa; evite pwèl antiadhésif yo pa fèt pou sezi vyan. Ajoute kèk ti kiyè luil vejetal epi mete chodyè a sou bon dife. Pandan chodyè a ap chofe, seche vyann ou byen seche nan yon sevyèt an papye oubyen yon sèvyèt twal pwòp e sèk – sa a edew anpeche vyann lan fè vapè olye poul bay vyann ou koulè. Lè lwil la kòmanse klere ak fè yon ti lafimen li pare pou ajoute vyann lan.

Sèvi ak yon tikras lwil
Lè wap sezi vyann lan, lwil pa la pou kwit vyann lan men se plito yon mwayen pou tout kote vyann lan fè kontak ak chodyè ya li resevwa menm kantite chalè. Sa a pral bay vyann lan yon bèl karamelizasyon inifòm epi anpeche vyann lan takte ak kèk tach boule kèk kote pandan ke lòt kote pa jwenn anyen. Pandan vyann lan ap pran koulè, bwase lwil la pou toujou gen yon kouch mens sou anba a nan chodyè a.

Pa chaje chodyè a
Si w ap kwit yon gwo moso vyann, asire w ke w sèvi ak yon chodyè gwo ase pou kenbe l. Si w ap kwit pi piti moso vyann, tankou pou yon bouyon, kite kèk pous nan espas ant moso vyann yo. Sa a tou asire yon kwison egal ak anpeche vyann ki youn sou lòt yo kwit nan vapè olye pou yo sezi.

Reziste anba tantasyon pou ap boulvèse vyann lan
Yon fwa ou mete vyann lan nan chodyè a, kite l. Mwen konnen ki jan (sitou lèw wòwòt nan metye ya) li tantan pou nan vire vyann lan tribò babò pou wè si ou ap byen pase, men eseye reziste! Vyann bezwen kèk minit kontak san enteripsyon poul byen pran koulè – li pral kole nan fon chodyè a nan yon premye tan epi li lage natirèlman poukont li lè li griye. Apre kèk minit, souke chodyè a. Si vyann lan soti nan chodyè a, li pare pou yo chavirel sou yon lòt bò.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: apartmenttherapy.info