TKSK: Remèd pou lè ou pèdi vwa ou.

Ti konsèy sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki laa nan kwizin lan ka sèvi medikaman. Jodi ya nou pwal fè yon ti rale sou ki jan si ou pèdi vwaw ou ka fè remèd pou regle sa …

17 TRETE PÈT VWA _(« EXTINCTION DE VOIX »)

Pèt vwa ke yo rele tou « extinction de voix » se lè ou pa ka pale ankò oswa lè ou anroue anpil. Nou pale de afoni oswa disfoni nan lang medikal. Li pa grav epi li raman dire lontan. Men, menm si ou pa yon chantè oswa yon pwofesè, ou bezwen yon remèd pou rejwenn vwa ou pi vit posib. (souvan pou al pale saw pa bezwen) Banm esplikew kijan pou rekoumanse pale.
Jwenn kèk kalalou (combo), koupe yo an moso epi pile yo. Ajoute dlo ak siwo myèl epi bwè medika man saa twa fwa pa jou

Lèw pèdi vwaw men men 5 bagay anplis pou fè :

1. Evite pale! Evite chuchote otan ke posib. (Kew eseye pale fò, kew eseye pale baba tout pa bon pou ou).
2. Bwè anpil, prefere bwè cho oswa tyèd.
3. Pa fimen epi evite alkòl otank posib: Tout sa yo danjere pou vwa a.
4. Rete lwen kourandè ak èkondisyone.
5. Repoze, fatig fè sentòm yo vin pi mal.

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : astucesdegrandmere