TKSK: ESTIL MINIMALIS – KONSEY 3

Ti Konsèy Sou Kuizin avèk chèf Jéach

Nan seri aprann fè foto manje jodi ya mwen deside konsakre kèk madi kap vini la yo sou estil photo kilinè nap koumanse ak « STYLE MINIMALISTE » teknik ak konsèy pou aplike pou fotow gen estil ak pèsonalite san ou pa itilize yon pakèt akseswa epi depanse anpil.

36 – ESTIL MINIMALIS KONSEY 03

Nan estil minimalist la nou te wè semenn dènyè nou pa bezwen anpil akseswa. Mwens nou genyen plis nou ka kalifye sa nou fè ya kòm minimalis.
Pa akseswa petèt, men engredyan!
Youn nan bagay pou fè atansyon lè pa gen okenn akseswa, lè ou pa gen vèsèl se dekore ak engredyan yo ki konpoze plat la. Li pèmèt ou mete fokis sou engredyan yo, pote koulè ak pote plis lavi.

lòt pwen enpòtan KADRE SERE, Vin pi pre sijè ya!
Sa sanble evidan men gen de fwa nou ka bliye sa. Si nou pran foto ya tou pre nou pap bezwen kontèkstualize plat. Kidonk, pa bezwen ranpli espas vid yo ak akseswa oubyen ak asyèt ke ou pa menm genyen.

Sèvi ak men ou?
Mwen pral fini ak dènye konsèy sa a. Ou ka sèvi ak men ou kòm sipò pou yon foto plat ki pa mande anpil epi pou évite sansasyon vid la. Ou ka sèvi ak men pou sipò ak kò ou kòm fond.

Mwen espere ke konsèy sa yo ap pwouve ou ke li pa nesesè pou transfòme kay ou an yon magazen vèsèl pou pran foto manje ki divèsifye epi ki trè bèl. 🙂

Pase yon bon madi, randevou kase pou lòt semenn pou plis toujou.