Ti Konsèy Sou Kuizin avèk chèf Jéach
Jodi ya map réponn 2 kesyon sou ze (1) eske gen sezon pou ze (2) sim pa konn kilè yon ze te ponn kòman mwen ka fè konnen sil bon ?
Sa ka parèt ou dwòl men menm jan tout bagay gen lè yo :
Èske gen yon sezon pou ze?
Wi! Men, nan anviwònman natirèl sèlman. Poul yo bezwen limyè pou yo ponn konsa depi ou antre nan zòn kote li fè nwa bonè (fen otòn jiskaske jou yo vin pi long ankò alantou mas avril) poul yo mal pou ponn se youn youn konsa wap jwenn, oswa pa gen ze menm.
Men, nan elvaj endistriyèl la yo mete poul yo pandan tout ane a anba gwo limyè atifisyèl. men nan ki kondisyon ou toujou jwenn ze tout tan
Ki jan ou rekonèt yon ze fre si ou pa konn ki lè poul la te ponn li?
Nan ka yon ze kri:
Kase ze ya nan yon plat epi obsève eta jònze a ak blan an. Si ze a fre, blan an yon ti kras gaye epi jònze a byen bonbe nan mitan blan an. Plis ze a gen tan, se plis blan an ap gaye epi jònze a ap tonbe.
Lòt metòd (san ou pa kase ze ya) :
Dousman mete ze koki a nan yon bòl oswa yon lòt veso plen ak dlo.
• Si ze a rete nan pati anba a nan bòl la, li trè fre epi ou ka manjel kri oswa bouyi.
• Si ze a flote nan mitan dlo a, li pli ou mwen fre li bon pou preparasyon gastronomik oswa patisri.
• Si ze a flote sou sifas la li pi bon pou pa manje l!
Ka yon ze bouyi
Koupe ze a nan longè oswa nan kwa pou obsève pozisyon jònze a. Plis jònze a byen santre nan blan an, se plis ze a fre.
Bon mèkredi !
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
Foto kouvèti: apartmenttherapy.info
Soyez le premier à commenter