TKSK: 3 konsèy teknik

(Vandredi teknik)

Jodi ya mwen leve kèm kontan, anvan sa gate mwen deside fè yon bagay pou fè lòt moun kontan mwen deklare jodi vandredi ya vandredi 3 pou youn 3 konsèy yon sèlkou. Prese vi n pran anvan piyay la fini. Kosèy sa yo mwen prete yo nan men yon gwo tonton chèf ki dyòlè anpil men ki fò tou _(etwal michelin li yo la pou pwouve sa) li rele Gordon Ramsay

1. Ajoute yon zonyon nan pire pòmdetè ou pou bal plis gou
   Bay pire pòmdetè w plis epis nan brase omwens twa zonyon koupe nan yon bòl pire. Anplis de sa, ajoute yon ti krèm frèch ak bè epi ou gen yon pire pòmdetè koupe dwèt. Enpresyone envite ou yo oswa tèt ou ak fason fasil sa a pou fè yon pire ti kras plis espesyal.

2.Ou gen fwi ki derefize mi? Mete l nan yon sache papye ak yon bannann
Li kon konplikè lè ou oblije rete tann yon bon bout tan pou fwi ki pa mi yo pare pou manje se yon bagay tan lontan. Sa pou w fè lè ou te achte fwi ki poko mi. “Ou dwe mete yon fig bannann nan yon sache papye ansanm ak fwi ki pa mi ya. Mete sak la nan yon kote ki fè nwa epi bannann lan pral fè lòt fwi ou yo mi pi vit.

3. Rale fèy yon anana pou tcheke si li deja mi
   Pa gen tankou yon anana lè li byen mi, men ki jan ou ka fasilman tcheke sa a? Tout sa ou dwe fè se rale fèy la nan tèt anana a. Èske li soti fasil? Lè sa a, anana ou a mi. Èske li difisil pou ou retire fèy la? Lè sa a, anana ou a poko byen mi.

Randevou kase pou vandredi pwochen dòt konsèy teknik

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : topsante.com / shiatsudo.fr