TKSK: Remèd pou mal gòj

Ti konsèy sou Kuizin avèk chèf Jéach

Jodi ya se samdi jou « kwizin, famasi lakay » jou kote nap konstate ke bagay ki laa nan kwizin lan ka sèvi medikaman. Samdi dènye mwen te fè yon rale sou kisa pou fè siw pèdi vwa, men defwa anvan ou rive nan pèdi vwa ou gen kèk siy ki diw sa pwal rive. Youn nan siy sa yo se mal gòj. Se pou sa jodi ya nou pwal di nou ki jan fè remèd pou mal goj…

18 TRETE MAL GÒJ AVEK JENJANM

Manje yon ti kantite jenjanm kontinyèlman pandan yon semèn sa dwe rezoud ti sousi ou ka genyen ak mal goj ou.

Men siw pa jwenn jenjanm nan kwizin lan. Fè yon te ak siwo myèl se yon bon remèd pou soulaje gòj fè mal. Ou ka bwè li pandan tout enfeksyon an. Chwazi te ak fèy kont gòj fè mal ak enfeksyon. Ten gen pwopriyete antiseptik, lay, zen bay bon rezilta tou. Atansyon ak sitwon vitamin C li gen ladanl lan lan bon men li ka irite gòj ou tou. Yon ti gagari bikabonat ak sèl ap baw yon soulajman rapid vit…

Men si ou renmen ti alkòl ou Grog se yon remèd wonm pou gòj fè mal wap renmen.
Grog, ki fèt ak wonm (nan kantite modere), sitwon ak siwo myèl, souvan rekòmande pou gòj fè mal paske li konbine pwopriyete plizyè engredyan. Ou ka prepare remèd sa a fasil pou soulaje gòj ki fè mal. Ou kapab tou ajoute kannèl ladan li.

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : astucesdegrandmere