TKSK: FÈ FOTO KRÈM KONSEY 01

Ti Konsèy Sou Kuizin avèk chèf Jéach

Nan seri aprann fè foto manje jodi ya mwen deside kontinye sa map fè depi kèk madi ki sot pase la yo. Eksplore estil photo kilinè tankou « STYLE MINIMALISTE » teknik ak konsèy pou aplike pou fotow gen estil ak pèsonalite san ou pa itilize yon pakèt akseswa epi depanse anpil.

Jodi ya epi pandan 5 lòt madi kap vini la yo mwen pwal pale sou kijan pou fè foto krèm. Sa sanble yon bagay senp. Men paske li senp, pase krèm fonn vit, pou evite toujou fè menm foto yo li enpòtan pou aprann kèk teknik avan…

38 – FÈ FOTO KRÈM KONSEY 01

Tankou mwen kitew devinel deja pran foto krèmalaglas ka bay estrès. Prese a, ka lakòz ou rate tout seri foto ou yo. Men, sa te anvan mwen te ba ou konsèy reyisi foto krèm glase.

1- Prepare tout bagay davans
Kòm ou ka imajine, foto krèm mande kèk òganizasyon si ou vle foto yon boul bèl olye ke yon li vin yon ti mas dlo. Pase li ka fon n trè vit, pi rèd menm pandan yon vag chalè. Men ki jan pou òganize tèt ou:

➡ Si w gen plan pou fè foto krèm glase a nan fòm boul, prepare yo davans.
Kite krèm glase la vin mòl anvan ou fè yon bèl boul avèl. Apresa remetel nan frizè a pou yo ka vin di. Retire yo lè w ap pran foto ou.

➡ Prepare tout sa wap bezwen yo, san krèm la: chwazi background ou, akseswa ou, veso kote w pral sèvi krèm glase a, nap yo elatriye… Pran an konsiderasyon koulè krèm glase a pou evite fòs nòt. (siw pa konnen kisa ki fòs nòt la fè ti rechèch sou sa Passion Gastronomie di déjà sou koulè konplemantè ak kontras e amoni)

➡ Fikse trepyew ou (si ou itilize youn – e mwen rekòmandeke ou sèvi ak youn ak ensistans. 😊).

➡ Yon fwa sèn ou a pare, mete boul glas la epi tire pòtrèw.

Pou ale pi vit, ou ka imajine diferan pòz yo ou vle pran yo davans. Epi si sa nesesè, remete krèm glase a nan frizè a apre chak pòz, jiskaske li reprann yon pi bon konsistans. Lè sa a, wap ka rekòmanse ankò san ou pa fè foto krèm kap fonn.

Pase yon bon madi, randevou kase pou lòt semenn pou plis toujou.