TKSK: Kijan pou ou ogmante gou Espageti?

Ti Konsèy Sou Kuizin avèk chèf Jéach

Konsey senp ak fasil pou ogmante gou espageti w. Bò lakay si li pa gwo kou makawoni nou rele tout pat espageti. Ke ou relel pat oswa espageti (menmsi se yon « fettuccine ») Se yon manje ki senp epi li vrèman gou.

Men, lè ou kwit li nan dlo, li pa gen anpil gou. Pat ak dlo, se sèlman enkondisyonèl yo toujou twouve li gou nan bouch yo. Pou lòt moun, yo souvan jwenn pat la gen yon gou fad. Epi yo ajoute anpil sòs pou ba pat fad saa yon ti gou. Men ki jan pou ogmante volim gou pat ou fasil san depanse saw pa genyen! Jis ajoute yon ti branch Romaren nan dlo pou wap kwit manje ya.

Ki jan pou fè sa?

1. Mete dlo nan chodyè ou a ak gwo sèl pou pat ou a pa fad.
2. Ajoute 1 oswa 2 branch Romaren nan dlo wap kwit manje sa a.
3. Kite pat yo kwit ak branch Romaren yan, pou yo absòbe bon sant li yo.

Rezilta
Pat ou a gen yon bon gou fèy epis aromatik ki pral fè tout moun plezi

Senp, fasil ak efikas! Li se yon bon fason pou ajoute gou nan pat ou. Epi li se yon jan gratis epi prèske 100% natirèl. Ou kapab tou mete bouyon legim oswa menm bouyon vyann bèf oswa poul nan dlo pou kwit pat la. Nan fason sa a yo gen menm plis gou. Fè atansyon, nan ka sa a, pa mete sèl nan dlo a, paske bouyon an deja trè sale.

Ak tenik saa ou ka fè espageti ak bè. Yon manje trè fasil pou prepare ki pral fè ni timoun kou granmoun plezi.

Epi jwi manje midi ou!

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: femmeactuelle.fr