TKSK: eske yon moun ta dwe manje yon manje cho pa jou ?

Ti Konsèy Sou Kuizin avèk chèf Jéach

Jodi ya se dimanch jou lejann oubyen verite.

Kesyon nou gen pou ou jodi ya se eske se vre yon moun ta dwe manje yon manje cho pa jou ? Eske gen yon rapò ant tanperati manje ya ak sa li fè nan kò nou, eske bagay sa se laverite oubyen bon jan foulay ?.

Kò a bezwen omwen yon repa cho pa jou!
Malerèzman, deklarasyon sa a pa kòrèk. Tanperati sa wap manje ya, cho oubyen frèt, pa gen anken pwoblèm ladanl. Kantite ak Kontni eleman nitritif nan manje ya pa chanje pou kò a. (rès la se kesyon de gou men sa se yon lòt istwa)

An mwayèn, kò a bezwen 2000 kcal pou kenbe tout fonksyon kòporèl ki nesesè yo. Tou depan de laj, sèks ak aktivite, valè kalori ki nesesè yo varye. Se plis saa pou nou ta veye ke ki tanperati manje a ye.

Pase yon bon dimanch.