TKSK: FÈ FOTO KRÈM KONSEY 02

Ti Konsèy Sou Kuizin avèk chèf Jéach

Nan seri aprann fè foto manje jodi ya mwen deside kontinye sa map fè depi kèk madi ki sot pase la yo. Eksplore estil photo kilinè tankou « STYLE MINIMALISTE » teknik ak konsèy pou aplike pou fotow gen estil ak pèsonalite san ou pa itilize yon pakèt akseswa epi depanse anpil.

Jodi ya epi pandan 5 lòt madi kap vini la yo mwen pwal pale sou kijan pou fè foto krèm. Sa sanble yon bagay senp. Men paske li senp, pase krèm fonn vit, pou evite toujou fè menm foto yo li enpòtan pou aprann kèk teknik avan…

39 – FÈ FOTO KRÈM KONSEY 02

Tankou mwen kitew devinel deja pran foto krèmalaglas ka yon veritab katastrof si ou pa pare pou sa epi se free style wap free style. Men, sa te anvan mwen te ba ou konsèy reyisi foto krèm glase.

2- Jwenn bon konsistans pou krèm lan

Yon krèm glase ki fèk soti nan frizè a ka manke parèt apetisan paske li di. Li toujou bon pou tann yon ti moman letan glas la fonn yon ti kras, sa ap lakòz refleksyon limyè fè bi bèl efè sou krèm lan.

Krèm alaglas koulè sonm ki fèk soti nan frizè pran yon reflè chemizèt ki sil bèl sou byè pa vreman bay anvi lè se krèm, evite sa otank posib. Tann kèk minit pral pèmèt jèl sa a (chemizèt la) disparèt. Si ou prese epi krèm la te fè glas, ou ka sèvi ak yon alimèt / oubyen yon brikè pou chofe lèjèman kèk pati nan krèm glase a.

Men si yon krèm klase pa ta fèt pou jivre, sa pa valid pou eskimo ou byen krèm mayi chokola. Pou krèm sa yo li enteresan kenbe efè chemizèt la li bay enpresyon yo fèk sot nan frizè, yo ka kwape chalè. Se konsa reyèlman nou imajine yon Eskimo. Pandan ke nou espere ke lòt krèm yo nou vle yo gen aparans mou, fondan epi apetisan.

Pase yon bon madi, randevou kase pou lòt semenn pou plis toujou.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com