Ti konsèy sou Kuizin avèk chèf Jéach
Jodi ya se samdi jou « kwizin, famasi lakay »
Jou kote nap konstate ke bagay ki laa nan kwizin nan ka sèvi medikaman. Jodiya mwen pwal fè yon rale sou paka dòmi epi kijan ou ka regle sa…
Si paka dòmi ya se yon bagay pasaje ki pa ta ale plis pase yon 15 jou medikaman famasi ka bay soulaj man, men pi lwen pase sa, risk prensipal la se dejwe (wap vin abitye ak pwodwi chimik ki ladan yo a epi medikaman sa yo pap fè anyen pou ou. Ou pwal gen tandans ogmante dòz la jouk ou vin paka viv san li). Anvan ou tonbe nan pèlen sa a, eseye tretman mwen pwal konseyew la.
21 TRETE PAKA DOMI (INSOMNI) AK MYÈL
Remèd natirèl ede w detann, pou chase tansyon ki ralanti dòmi ak pou pi byen senkronize ritm dòmi-reveye ou. Ajoute 3 kiyè siwo myèl nan yon tas lèt. Pran li anvanw al dòmi pou yon semèn.
Ou ta dwe eseye toujou leve nan menm lè ya chak jou e de preferans bonè, menmsi se wikenn. Okontrè, evite ale nan kabann twò bonè, omwen 2 èdtan apre ou fin manje, epi kite kabann lan pou dòmi sèlman (pandan tretman an fè lòt aktivite yo tout lòt kote ke nan kaban lan) pou kreye nan sèvow ekwasyon kabann = dòmi.
Bon samdi
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
foto : a7la-home.com
Les commentaires sont fermés.