TKSK: FÈ FOTO KRÈM KONSEY 03

Ti Konsèy Sou Kuizin avèk chèf Jéach

Nan seri aprann fè foto manje jodi ya mwen deside kontinye sa map fè depi kèk madi ki sot pase la yo. Eksplore estil photo kilinè tankou « STYLE MINIMALISTE » teknik ak konsèy pou aplike pou fotow gen estil ak pèsonalite san ou pa itilize yon pakèt akseswa epi depanse anpil.

Jodi ya epi pandan 5 lòt madi kap vini la yo mwen pwal pale sou kijan pou fè foto krèm. Sa sanble yon bagay senp. Men paske li senp, pase krèm fonn vit, pou evite toujou fè menm foto yo li enpòtan pou aprann kèk teknik avan…

40 – FÈ FOTO KRÈM KONSEY 03

Tankou mwen kitew devinel deja pran foto krèmalaglas ka yon aktivite ase banal si foto ou fè ya se yon bagay prvizib, tout tan moun ap wè epi san vi. Se pou evite sa mwen ap koseyew jodi ya sou prezantasyon an pi presizeman sou veso ki pwal resevwa krèm lan…

3- Chwazi bon veso a

Eseye pote orijinalite nan fè chwa sèvi avèk diferan resipyan. Mete krèm ou nan yon koup yon ti kras twò klasik, twò previzib, se saw wè nan afich ki devan pòt tout machann krèm. San ke volontèman mwen pa baw tout sekrè yo men yon lis lide ki ta dwe louvè lespriw sou posibilite ki genyen pou kite atis ki an dedanw lan pale …

👉 Nan yon kònè krèm (se evidan!). Men metel kouche oswa kanpe nan yon bokal an vè.
👉 Nan yon louch pou krèm glase pou kont li.
👉 Nan ti po krèm glase katon.
👉 Nan yon bokal/ ti bokal konfiti.
👉 Nan yon bwat fèblan kote ou etire etikèt la.
👉 Nan yon moul gato, yon tèrin, yon plato.

Sa yo se jis kèk egzanp. Gen yon dal lòt posiblite, li sifi ou jwenn yon veso ke ou devye de objè prinsipal li nan itilizasyon wap fè avèl la pou sa rete nan lespri moun kap gade ya.

💡Si w itilize akseswa metal, mete yo nan frizè a pou yo ka fè chemizèt (epi bay yon efè friz). Li jis ajoute nan frechè nan resèt la.

Pase yon bon madi, randevou kase pou lòt semenn pou plis toujou.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com