TKSK: kèk ti konsèy

Ti Konsèy Sou Kuizin avèk chèf Jéach

Jodi ya mèkredi jou kote nou ka pale sou tout bagay ki gen rapò ak gastronomi san nou pa mete fokis sou youn an patikilye. Men tou jodiya mwen pap long ditou ditou map ban kèk konsèy ke petèt nou pat konnen.

• Pou kenbe bèl koulè vèt legim yo, tou senpleman ajoute yon zong bikabonat nan dlo wap kwit manje ya.
• Pou estoke salad ou yo, vlope yo endividyèlman nan yon fèy jounal, mete tout bagay nan yon sache plastik epi mete yo nan frijidè a. yap rete fre konsa
• Si ou ajoute yon pòmdetè pandan wap kwit manje sa ka diminye kantite sèl nan yon plat ki twò sale.
• Pou pòmdetè bouyi toujou mou ak imid, tou senpleman ajoute yon ti lwil oliv nan dlo pou kwit manje.
• Kochon boukannen ou a ap kenbe tout tendres li si apre ou fin griye l, ou kwit li nan lèt.
• Ou fèk boule chodyè ou ? Ou pa bezwen fatige tèt ou frote li. Netwayaj li yo pral pi fasil si ou vide 2 cm klowòks nan li epi fèl bouyi pou 5 minit. Asire w ou louvri fennèt la!

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto kouvèti: fourchette-et-bikini.fr