TKSK: Vinèg blan pou kalme mòde gèp

Ti konsèy sou Kuizin avèk chèf Jéach

Jodi ya se samdi jou « kwizin, famasi lakay », jou kote nap konstate ke bagay ki laa nan kwizin nan ka sèvi medikaman.

Ou siman gen kafe, te oswa pwav kayèn nan pantyè kwizin ou. Men, èske w konnen ke ou ka sèvi ak yo pou geri yon pakèt ti maleng kap pouri la viw chak jou? Maltèt, paka respire oswa doulè tout kalite. Le samdi nap edew chèche konnen ki engredyan nan kwizin nan ou dwe kenbe sou lamen pou sèviw medikaman lèw bezwen!

22 POU KALME MÒDE GÈP: VINÈG BLAN

Depi fè cho , sitou an ete, ou ta dwe fè fimigasyon sitwonèl, tabak, lavand oubyen tibonm … Mwen pa si gen anpil nan nou ki gen posibilite fè sa. Se sak fè byen souvan moustik, bigay, gèp anvayi nou. Le moustik pike nou fò, nou grate anpil si nou pa gen krèm soulamen pou kalme yo tout grate yo fè gwo boul, epi souvan sa mete nou sou nè. Nan ka sa a, vinèg blan se remèd pou ou: li rich ak asid asetik, ki kalme gratèl la nan kèk minit. Touswit demanjezon an fini!

Kouman pou fè remèd la ? Nan ka gèp ou byen moustik, bigay mòdew, mete vinèg blan an pi (san melanje) avèk yon konprès. Benyen konprès la byen benyen ak vinèg, rete tann kèk minit epi renouvle 2 a 3 fwa pa jou. Epi depi apre 2 pase ou ta dwe sispann grate!

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : a7la-home.com